შესაძლოა, რუსეთმა ნატო-ს წინააღმდეგ სამხედრო ძალა მომდევნო ხუთი წლის განმავლობაში გამოიყენოს , - ამის შესახებ ნატო-ს გენერალურმა მდივანმა, მარკ რუტემ განაცხადა.

„რაც შეეხება საბრძოლო მასალას, რუსეთი სამ თვეში აწარმოებს იმას, რასაც მთელი ნატო ერთი წლის განმავლობაში. სავარაუდოდ, მისი თავდაცვის ინდუსტრიული ბაზა მხოლოდ წელს 1500 ტანკს, 3000 ჯავშანმანქანასა და 200 „ისკანდერის“ ტიპის რაკეტას აწარმოებს. შესაძლოა, რუსეთი ნატო-ს წინააღმდეგ ძალის გამოსაყენებლად მზად ხუთი წლის განმავლობაში იყოს“, - განაცხადა მარკ რუტემ.

მისი თქმით, მოლოდინი აქვს, რომ ნატო-ს ჰააგის სამიტზე მოკავშირეები თავდაცვის ხარჯების მშპ-ს 5%-მდე გაზრდის შესახებ შეთანხმდებიან.

„სასიცოცხლოდ მნიშვნელოვანია, რომ თავისი წილი ნატო-ს ყველა წევრმა გაიღოს. ამერიკამ ეს დიდი ტვირთი ძალიან დიდი ხნის განმავლობაში ატარა. თავს ნუ მოვიტყუებთ, ახლა ყველანი აღმოსავლეთ ფლანგზე ვიმყოფებით. ახალი თაობის რუსული რაკეტები ბგერის სიჩქარეზე ბევრად სწრაფად მოძრაობენ. ევროპის დედაქალაქებს შორის მანძილი მხოლოდ რამდენიმე წუთია. აღმოსავლეთი ან დასავლეთი აღარ არსებობს, მხოლოდ ნატო არსებობს“, - აღნიშნა ნატო-ს გენერალურმა მდივანმა.

ავტორი: ექსპრესნიუსი,

სოციალური ქსელები

ევროპაში დივერსიული თავდასხმების სერიის შემდეგ, ევროკავშირი განიხილავს GRU-ს (ГРУ) ტერორისტული ორგანიზაციების სიაში დამატებას.

თიბისი ტექსკოლა - ტექნოლოგიური განათლება უფასოდ ყველა უფროსკლასელისთვის

საქართველოს ბანკის მხარდაჭერით, სტუდია „GARNAMATAC”-მა ახალი საბავშვო ანიმაციური სერიალი - „მარგო და კირა“ შექმნა

საია - ჩორჩანაში საგუშაგოს განთავსება არ შეიძლება ავტომატურად შეფასდეს ოკუპანტი ძალის პროვოცირებად, იგი ემსახურებოდა მცოცავი ოკუპაციის შეკავებას