ანგარიშში ჩაწერეს სრულიად აბსურდული, სიმართლისგან საერთოდ დაცილებული თეზისები - ისინი ცდილობენ, რომ კვლავ რადიკალებისთვის მაშველ რგოლად გამოდგნენ, - ამის შესახებ პარლამენტის საპროცედურო საკითხთა და წესების კომიტეტის თავმჯდომარემ, დავით მათიკაშვილმა საქართველოს შესახებ ევროპარლამენტის საგარეო ურთიერთობების კომიტეტის ანგარიშის პროექტზე საუბრისას განაცხადა.

მისი თქმით, აბსურდულია იმაზე საუბარი, რომ „მილიონ 120 ათასი ადამიანი არაფერს ნიშნავს და ჩვენი ქვეყანა არის მხოლოდ ის 300-400 რადიკალი, რომელიც ქუჩაში საღამოობით დარბის“.

„ანგარიშში ჩაწერეს სრულიად აბსურდული, სიმართლისგან საერთოდ დაცილებული „თეზები“. ისინი ცდილობენ, რომ კვლავ რადიკალებისთვის მაშველ რგოლად გამოდგნენ. ხედავთ თქვენ, რომ როგორც კი, რაღაცნაირად ის ერთი მუჭა რადიკალები საღამოობით, რუსთაველზე სირბილს შეწყვეტენ, თუ შეამცირებენ, იმ წუთას, სადღაც მათ დავალებების მიმცემთა წიაღში გამოჩნდებიან ადამიანები თუ ადამიანთა ჯგუფები, ვინც ცდილობენ, მათი აქტიურობა ცოტა მეტად გაზარდონ. არაფერი გამოსდით, მაგრამ ფაქტია, რომ თუნდაც ამ ანგარიშში, კვლავ არის ქართველი ხალხისადმი სრულიად უწესო „თეზები“ აღნიშნული, სადაც თითქოს მილიონ 120 ათასი ადამიანი არაფერს ნიშნავს და ჩვენი ქვეყანა არის მხოლოდ ის 300-400 რადიკალი, რომელიც ქუჩაში დარბის საღამოობით. კარგად ჩანს აქ ყველაფერი. სიმართლე სად არის, ესეც კარგად იცის ჩვენმა საზოგადოებამ და გარწმუნებთ, თვითონ იმ ხალხმაც კარგად იცის, სად არის სიმართლე, ვინც ამ სრულიად აბურდულ და საქართველოს კონსტიტუციური წესრიგისგან განსხვავებულ და საწინააღმდეგო თეზისებს სვამენ. როდესაც სალომე ზურაბიშვილს, რომელიც პოლიტიკაში არავის ახსოვს და საზოგადოებას თავისი ნეგატიური ქცევით დაამახსოვრა თავი, ლეგიტიმურს უწოდებ, ამით ყველაფერია ნათქვამი,“ - განაცხადა მათიკაშვილმა.

ცნობისთვის, ევროპარლამენტის საგარეო ურთიერთობების კომიტეტმა საქართველოს შესახებ ანგარიშის პროექტი შესწორებებით დაამტკიცა. დოკუმენტს მხარი 55-მა ევროპარლამენტარმა დაუჭირა, 14-მა ხმა მის წინააღმდეგ მისცა და 4-მა თავი შეიკავა.

ავტორი: ექსპრესნიუსი,

სოციალური ქსელები

მომსახურების სააგენტო პირებს ვისაც 365-დღიანი ვადა უახლოეს პერიოდში ეწურებათ, გამოცდის დაჯავშნის პროცესს ამარტივებს

„ქართული ოცნების“ ღია ნაცისტური ჰომოფობიუფრი კამპანია, ტყუილები, მითები და დაშინება, ეკლესიის ჩართულობით

კობახიძე - 26 მაისს ოპოზიციის ინიციატივები სრული წარუმატებლობისთვის არის განწირული

ბუნების ძალასა და კანის ბალანსზე დაფუძნებული კორეული ბრენდი ROUND LAB უკევე PSP-შია