აშშ-ს პრეზიდენტმა დონალდ ტრამპმა თქვა, რომ ირანთან ბირთვული შეთანხმების ფარგლებში ამერიკა მოითხოვს, რომ ირანმა სრულად განაიარაღოს ურანის გამდიდრების პროგრამა. 

მანამდე მედიაში გავრცელდა ინფორმაცია, რომ 31 მაისს ტრამპის სპეციალური წარმომადგენლის, სტივ უიტკოფის მიერ წარდგენილი წინადადება ირანს ნებას რთავდა, დაბალ დონეზე გამდიდრების შესაძლებლობები შეენარჩუნებინა სამოქალაქო მიზნებისთვის, თუკი ირანი დათანხმდებოდა მიწისქვეშა ურანის გადამამუშავებელი ობიექტების დროებით დახურვაზე. 

"ჩვენი პოტენციური შეთანხმების ფარგლებში - ჩვენ არ დავუშვებთ არანაირ ურანის გამდიდრებას!" - დაწერა ტრამპმა Truth Social-ზე. 

ხოლო ტრამპის პოსტამდე თეთრი სახლის პრესმდივანმა კეროლაინ ლივიტმა აღნიშნა, რომ "პრეზიდენტმა ტრამპმა გარკვევით თქვა: ირანი ვერასდროს შეძლებს ბირთვული ბომბის მოპოვებას".

"სპეციალურმა წარმომადგენელმა უიტკოფმა დეტალური და მისაღები წინადადება გაუგზავნა ირანულ რეჟიმს და მათ ინტერესში შედის, რომ ამას დათანხმდნენ. მიმდინარე შეთანხმების პროცესისადმი პატივსაცემად, ადმინისტრაცია მედიასთან კომენტარს არ გააკეთებს შეთავაზებულ წინადადებასთან დაკავშირებით". - დაამატა ლივიტმა. 

ტრამპის პოსტამდე გამოცემა Axios წერდა, რომ უიტკოფის ბოლო წინადადებით, ირანი შეზღუდული სახით დაბალი დონის ურანის გამდიდრების შესაძლებლობებს შეინარჩუნებდა. 

Axios-ის მიხედვით, ირანის მიწისქვეშა ობიექტები დროებით "უმოქმედო" გახდებოდა, ხოლო მიწისზედა ურანის განვითარების ობიექტები დროებით შეიზღუდებოდა იმ დონემდე, რაც ბირთვული რეაქტორის საწვავისთვის არის საჭირო. 

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს