გერმანიის კანცლერი ფრიდრიხ მერცი მომავალ კვირას ვაშინგტონს ოფიციალური ვიზიტით ეწვევა, რათა აშშ-ს პრეზიდენტს, დონალდ ტრამპს შეხვდეს. გერმანიის კანცლერის რანგში ეს მერცისთვის პირველი შეხვედრა იქნება აშშ-ს პრეზიდენტთან. 

გერმანიის მთავრობის პრესსპიკერის, სტეფან კორნელიუსის განცხადებით, გერმანიისა და აშშ-ს ლიდერები თეთრ სახლში დაგეგმილ შეხვედრაზე უკრაინაში მიმდინარე ომს, ახლო აღმოსავლეთში არსებულ ვითარებასა და სავაჭრო პოლიტიკას განიხილავენ. 

შეხვედრის შემდეგ მერცი და ტრამპი, სავარაუდოდ ოვალურ კაბინეტში, ერთობლივ პრესკონფერენციას გამართავენ. 

გერმანიის ახალ კანცლერს ტრამპის ადმინისტრაციის მაღალჩინოსნებთან საჯარო დაპირისპირება ჰქონია. 

აშშ-ს სახელმწიფო მდივანმა მარკო რუბიომ ისევე, როგორც აშშ-ს ვიცეპრეზიდენტმა ჯეი დი ვენსმა მაისის დასაწყისში გერმანიის სადაზვერვო სამსახურის მიერ ულტრამემარჯვენე პარტია ალტერნატივა გერმანიისთვის (AfD) "ექსტრემისტულ ორგანიზაციად" გამოცხადების გამო ბერლინი მკაცრად გააკრიტიკა. 

ამასთან, ტრამპის ადმინისტრაციის აწ უკვე ყოფილი წევრი და ახლო მოკავშირე ილონ მასკი გერმანიის ფედერალური არჩევნების პერიოდში AfD-ის მიმართ მხარდაჭერას ხშირად გამოხატავდა საჯაროდ. 

საპასუხოდ, მერცი ამბობდა, რომ ამერიკელ მაღალჩინოსნებს გერმანულ პოლიტიკაში ჩარევისგან თავი უნდა შეეკავებინათ. 

"ჩვენ ამერიკის საარჩევნო კამპანიებში ჩარევისგან ბოლო წლების განმავლობაში მეტწილად თავს ვიკავებდით და ამის თქმა პირადად ჩემზეც შემიძლია". - თქვა იმ დროს მერცმა და დაამატა, რომ მან ამერიკელ ოფიციალურ პირებს უთხრა, რომ "ისინი არცერთი კანდიდატის მხარეს არ იჭერდნენ" და ამავეს მოითხოვდნენ მათგანაც. 

ავტორი: ექსპრესნიუსი,

სოციალური ქსელები

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით