უნგრეთის პრემიერ-მინისტრის ვიქტორ ორბანის განცხადებით, „ირაკლი კობახიძე არის საქართველოს გმირი და საერთაშორისო პატრიოტი, რომელმაც არჩევნები მოიგო".

როგორც ორბანმა ბუდაპეშტში კონსერვატიული პოლიტიკური მოქმედების კონფერენციაზე (CPAC) სიტყვით გამოსვლისას განაცხადა, „ირაკლი კობახიძემ ბრიუსელს თავი არ დაუხარა და ძლიერი, წარმატებული ლიდერი გახდა“.

„საქართველოს გმირი, საერთაშორისო პატრიოტი, ადამიანი, რომელმაც მოიგო არჩევნები, არის ირაკლი კობახიძე. ლიბერალური მოძრაობების წინააღმდეგ წავიდა და დაამარცხა ყველა. ქვეყანაში მოიტანა უმსხვილესი ეკონომიკური ზრდა. ამ ქვეყნის 20% არის „რუსული დათვის“ მიერ წაღებული, მაგრამ ბრიუსელს არ დაუხარა თავი, გახდა ახალი დიდი ბრიტანეთი, გახდა ძლიერი და წარმატებული ლიდერი თავის ქვეყანაში”, - განაცხადა ორბანმა. ამასთან, როგორც უნგრეთის პრემიერ-მინისტრმა აღნიშნა, კონსერვატიული პოლიტიკური მოძრაობა გლობალური ბრენდი გახდა.

„ჩვენ ბევრი რამ გამოვიარეთ, შეტევა, თავდასხმა, მაგრამ ბევრი ადამიანი, ვინც ამ დარბაზშია, არის იმის მტკიცებულება, რომ ბრძოლის გარეშე წარმატება არ არსებობს. არა მარტო უნდა ვიბრძოლოთ წარმატებისთვის, არამედ გავიაროთ დიდი ტკივილიც. ამას ამტკიცებს დონალდ ტრამპიც. ლიბერალური, პროგრესული ხალხი ვერ გაუძლებდა იმას, რაც ჩვენ გამოვიარეთ.. ჩვენ შევძელით კვლავ დავმდგარიყავით ფეხზე და ევროპელი ლიდერების სამაგალითო ეტალონი ვაჩვენეთ. სხვები იმალებიან, ჟურნალისტებს ეფარებიან უკან, მაგრამ ჩვენ გაბედულად ვდგავართ მათ წინ და ფანტასტიკურ შედეგებს ვაღწევთ ჩვენს ქვეყნებში. ჩვენ ვართ იმის მაგალითი, თუ რა არის გამძლეობა. კონსერვატიული პოლიტიკური მოძრაობა გახდა გლობალური ბრენდი. ეს კონფერენცია არის იმის მტკიცებულება, რომ ლიბერალებს ვაშინებთ და ისინი თავიანთ კუთხეში იმალებიან“, - განაცხადა ვიქტორ ორბანმა. თარგმანს ტელეკომპანია „იმედი“ ავრცელებს.

ავტორი: ექსპრესნიუსი,

სოციალური ქსელები

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა