ისრაელის სამხედრო ოპერაცია ღაზაში, ძალის არაპროპორციული გამოყენება და მშვიდობიანი მოსახლეობის სიკვდილი დაუშვებელია, - ამის შესახებ აღნიშნულია საგარეო საქმეთა და უსაფრთხოების საკითხებში ევროკავშირის უმაღლესი წარმომადგენლის, კაია კალასის განცხადებაში.

„სამოქალაქო ინფრასტრუქტურის მუდმივად მიზანში ამოღება მიუღებელია. მოვუწოდებთ ცეცხლის შეწყვეტის რეჟიმის აღდგენისკენ, რაც გამოიწვევს ყველა მძევლის გათავისუფლებას და საომარი მოქმედებების სამუდამოდ დასრულებას მოლაპარაკებების გზით“, - აღნიშნულია განცხადებაში.

მისი თქმით, ევროკავშირი კიდევ ერთხელ ადასტურებს, რომ ჰუმანიტარული დახმარება არასდროს არ უნდა იყოს პოლიტიზებული ან მილიტარიზებული.

„ევროკავშირი კიდევ ერთხელ გამოდის დახმარების დაუყოვნებლივი, შეუფერხებელი და მდგრადი განახლებისაკენ მოწოდებით, ღაზას სექტორში მშვიდობიანი მოსახლეობის საჭიროებების შესაბამისად“, - აღნიშნულია განცხადებაში.

კალასი ხაზს უსვამს, რომ ევროკავშირი მკაცრად გმობს ოკუპირებულ დასავლეთ სანაპიროზე დასახლებულთა მიმართ მიმდინარე ძალადობას.

„დაშინების კამპანიები, ფიზიკური და სიტყვიერი თავდასხმები, ქონებისა და სახლების განადგურება და დაწვა იწვევს პალესტინური თემების გადაადგილებას. ისრაელმა დაუყოვნებლივ უნდა გადადგას გადამწყვეტი ნაბიჯები ამ საკითხის მოსაგვარებლად და უზრუნველყოს, რომ დამნაშავეები პასუხისგებაში მიეცნენ“, - აღნიშნულია კალასის განცხადებაში.

ავტორი: ექსპრესნიუსი,

სოციალური ქსელები

ქადაგიშვილი- ირანის ელჩმა კეთილი ინებოს და თავისი კომპეტენციის ფარგლებში თავისი ფუნქციის აღსრულება მოახდინოს

სამხარაძე ირანის ელჩს- დიპლომატის პროტოკოლის ჩარჩოებში დარჩეს და ისტორიულ წიაღსვლებს თავი დაანებოს

გაეროს კომიტეტმა საქართველოს აუკრძალა ტიმოფეევის რუსეთში ექსტრადიცია

მეუფე ზენონი ირანთან დაკავშირებით განცხადებას ავრცელებს