2025-05-22 10:31:11, 955 ნახვა
მსოფლიო
კუნძულ კრეტას სანაპიროსთან 6.1 მაგნიტუდის სიმძლავრის მიწისძვრა მოხდა
კუნძულ კრეტას სანაპიროსთან 6.1 მაგნიტუდის სიმძლავრის მიწისძვრა მოხდა, - ამის შესახებ ინფორმაციას სააგენტო Reuters-ი საბერძნეთის სახანძრო სამსახურზე დაყრდნობით ავრცელებს.
საბერძნეთის სახანძრო სამსახურის განცხადებით, კუნძულ კრეტაზე უსაფრთხოების ზომები გაძლიერდა, თუმცა ნგრევისა და დაშავებულების შესახებ ინფორმაცია არ მიუღიათ.
მიწისძვრა ადგილობრივი დროით დილის 06:19 საათზე, ქალაქ ჰერაკლიონიდან 79 კილომეტრში მოხდა.
6.1 მაგნიტუდის სიმძლავრის მიწისძვრის ბიძგები თურქეთსა და ისრაელშიც იგრძნობოდა.
ავტორი: ექსპრესნიუსი,
epn.ge (@expressnews.ge)
