ვიღაცები ჩუმ-ჩუმად ხელისუფლებასთან კომპრომისს აპირებენ, – ამის შესახებ ოპოზიციონერმა პოლიტიკოსმა, გუბაზ სანიკიძემ „ტვ პირველის“ ეთერში განაცხადა.

სანიკიძის თქმით, ზოგიერთი ოპოზიციონერი პოლიტიკოსი ბიძინა ივანიშვილთან მოლაპარაკებებს აწარმოებს.

„ბევრი ვერ არჩევს პოზას და პოზიციას; ერთი და იგივე ჰგონია. ბევრს უკან გონებაში გადანახული რაღაც გეგმები აქვს – ერთს ლაპარაკობს, მეორეს გულისხმობს, მესამეს აკეთებს. ვიღაცები ჩუმ-ჩუმად კომპრომისს აპირებენ ხელისუფლებასთან. რაღაც ათას მიზეზს მოიგონებენ ახლა, რომ აი, ასე ხომ უნდა ვქნათ და საჯიჯგნად არ დავტოვოთ. ჯიჯგნიან და გადაუარეს ამ ქვეყანას, ოკუპირებულია ეს ქვეყანა, რუსეთის წიაღში, გავლენებში ვართ უკვე, კი არ გვემუქრება, არამედ უკვე იქ ვართ. პოზიციას როცა სწორად განსაზღვრავ, სწორ გადაწყვეტილებებსაც მიიღებ. დამოუკიდებლობის დაკარგვა კი არ გვემუქრება, უკვე დავკარგეთ“, – განაცხადა სანიკიძემ.

მისი თქმით, შესაქმნელია ეროვნული ხსნის კომიტეტი, რომელიც დაგეგმავს და განახორციელებს საპროტესტო აქციებს, რომლის მიზანი იქნება მთავრობის გადადგომა და რიგგარეშე აქციების დანიშვნა.

„არის კონკრეტული გეგმა, არაფერი სირთულე ამაში არ არის, სირთულე არის თვითონ ადამიანებში. ამას უნდა კონკრეტული პარტიები, პლუს არასამთავრობო ორგანიზაციები, საზოგადოებრივი ორგანიზაციები, საზოგადოებისათვის პატივცემული ადამიანები და დაგეგმვა. ვინც არ უერთდება, დაე, გადაიჩეხოს პოლიტიკურ მოუსავლეთში. დარვინიზმი პოლიტიკის დამახასიათებელია, სუსტი უნდა წავიდეს და არ უნდა უკანა კარიდან ბიძინასთან სიარული ღამ-ღამობით და მოლაპარაკებები. ვინც დადის იმას ვგულისხმობ, სახელის და გვარების დასახელებას რა აზრი აქვს, ჩვენ ხომ ვიცით, რომ ასეა. რასაც მეტყველებენ ადამიანები და რასაც აკეთებენ, იმით უნდა განსაზღვროს საზოგადოებამ, ვინ აპირებს ბოლომდე ბრძოლას და ვინ აპირებს თანამშრომლობას“, – განაცხადა სანიკიძემ.

ავტორი: ექსპრესნიუსი,

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა