უკრაინის იუსტიციის სამინისტრო - უნგრეთმა გადადო უკრაინასთან ეროვნული უმცირესობების შესახებ მოლაპარაკებები

2025-05-11 11:37:34, 748 ნახვა

მსოფლიო

უნგრულმა მხარემ უკრაინასთან ეროვნული უმცირესობების საკითხზე დაგეგმილი მოლაპარაკებები გადადო, - ინფორმაციას უკრაინის იუსტიციის სამინისტრო ავრცელებს.

„ადრე ბუდაპეშტში მხარეები შეთანხმდნენ ექსპერტთა ჯგუფების მუშაობაზე, რათა განიხილონ უნგრეთის 11 რეკომენდაცია. უკრაინის დელეგაცია პირველ შუალედურ შედეგებს უკვე 12 მაისს ელოდა“, - ნათქვამია სამინისტროს განცხადებაში.

უწყების ცნობით, კონსულტაციები უჟგოროდში უნდა გამართულიყო, სადაც უკრაინის დელეგაცია უკვე ჩავიდა. ჯერ არ გამოცხადებულა, როდის უნდა გაიმართოს გადადებული შეხვედრა.

აღსანიშნავია, რომ მოლაპარაკებები ძალიან მნიშვნელოვანია სხვა მოლაპარაკებების კონტექსტში - უკრაინის ევროკავშირში წევრობასთან დაკავშირებით. უნგრეთს უკრაინასთან ბევრი მოთხოვნა აქვს. კერძოდ, მათი მხარე მოითხოვს უნგრული ენის თავისუფალი გამოყენებისა და რეგიონულ და ეროვნულ დონეზე პოლიტიკური წარმომადგენლობის უფლების გარანტირებული უფლებების აღდგენას.

არსებულ სიტუაციას ევროინტეგრაციის საკითხებში, ვიცე-პრემიერი და იუსტიციის მინისტრი ოლგა სტეფანიშინა. მან ხაზი გაუსვა, რომ „დიალოგი უნდა გაგრძელდეს“.

ავტორი: ექსპრესნიუსი,