2016-03-16 12:12:16, 1135 ნახვა
მსოფლიო
პაკისტანში ავტობუსის აფეთქების შედეგად 15 ადამიანი გარდაიცვალა
პაკისტანის ჩრდილოეთ-აღმოსავლეთ ნაწილში ავტობუსის აფეთქების შედეგად 15 ადამიანი გარდაიცვალა, - ამის შესახებ ინფორმაციას Reuters ავრცელებს.
როგორც სააგენტო ადგილობრივ ხელისუფლებაზე დაყრდნობით იტყობინება, ინციდენტი ქალაქ პეშავარში მოხდა.
"ჩვენთვის ჯერ უცნობია, თუ რა იყო აფეთქების მიზეზი, მაგრამ როგორც ჩანს, ასაფეთქებელი ნივთიერება ავტობუსში იყო დამონტაჟებული", - განაცხადა პაკისტანის პოლიციის წარმომადგენელმა.
მისივე თქმით, იმ დროს ავტობუსში 40-დან 50-მდე ადამიანი იმყოფებოდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
