რუსეთმა 9 მაისამდე გამოცხადებული სამ-დღიანი ცეცხლის შეწყვეტა დაარღვია და უკრაინის ქალაქებს დაარტყა, - ინფორმაციას უკრაინული მედია ავრცელებს. მათივე ცნობით, გასული ღამის განმავლობაში თავდასხმები დონეცკის, ჩერკასისა და სუმის ოლქებზე განხორციელდა.

ადგილობრივი Telegram არხების ცნობით, დონეცკის ოლქში დრონებით თავდასხმა განხორციელდა 9-სართულიან საცხოვრებელ კორპუსზე. მაშველებმა ნანგრევების ქვეშ მოყოლილი ერთი ადამიანის გადარჩენა შეძლეს.

უკრაინის საგანგებო სიტუაციების სამსახური იუწყება, რომ საღამოს უმანის ოლქში თავდასხმის დრონების სამიზნე გახდა, რის შედეგადაც ერთი ადამიანი დაშავდა.

იქამდე კი, უკრაინის პრეზიდენტმა ვოლოდიმირ ზელენსკიმ განაცხადა, რომ მას არ შეუძლია იმ უცხოელი ლიდერების უსაფრთხოების გარანტირების მიცემა, რომლებიც მოსკოვში აღლუმზე დასასწრებად ჩავლენ.

„აბსოლუტურად სამართლიანია, რომ რუსეთის ცა, აგრესორის ცა, დღესაც არ იყო მშვიდი. ჩვენი წინადადება დარტყმების შეჩერების, ცეცხლის მინიმუმ 30 დღით შეწყვეტის შესახებ ძალაში რჩება - ჩვენ არ ვხსნით ამ წინადადებას, რომელმაც, შეიძლება, შანსი მისცეს დიპლომატიას, მაგრამ სწორედ რუსეთიდან არ ხედავს მსოფლიო არანაირ რეაქციას – არანაირ რეაქციას, გარდა ახალი დარტყმებისა“, - აღნიშნა ზელენსკიმ.

ცნობისთვის, რამდენიმე დღის წინ რუსეთის პრეზიდენტმა, ვლადიმერ პუტინმა მეორე მსოფლიო ომში გამარჯვების 80-ე წლისთავთან დაკავშირებით უკრაინაში ცეცხლის შეწყვეტა გამოაცხადა, რომელიც, მისი თქმით, 8-10 მაისს იმოქმედებს.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს