ბათუმის საქალაქო სასამართლოში, „ბათუმელებისა“ და „ნეტგაზეთის“ დამფუძნებლის, მზია ამაღლობელის პროცესს დიდი ბრიტანეთის, პოლონეთისა და ჩეხეთის საელჩოების წარმომადგენლები ესწრებიან.

პროცესი ცოტა ხნის წინ დაიწყო.

ამ წუთებში ადვოკატები სასამართლოს შუამდგომლობებით მიმართავენ და საქართველოს პრემიერ-მინისტრის, ირაკლი კობახიძის გამოკითხვას ითხოვენ. საქმე ეხება ერთ-ერთი მედიასაშუალების ეთერში პრემიერის მიერ გაკეთებულ განცხადებას, რომ „მზია ამაღლობელი პოლიციელზე თავდასხმისას დავალებას ასრულებდა“.

აღნიშნული გააპროტესტა პროკურორმა.

“ეს საქმის პოლიტიზირება და სამართლებრივი ჩარჩოდან გასვლაა. შეუძლებელია დაიკითხოს პირი, რომელიც არ ყოფილა ადგილზე, მხოლოდ იმის გამო, რომ გარკვეული განცხადება გააკეთა საჯარო სივრცეში. ეს არის პოლიტიკური შეფასებები, სასამართლო კი მხოლოდ და მხოლოდ სამართლებრივ გარემოებას აფასებს. მიგვაჩნია, რომ დაცვის მხარის შუამდგომლობა არ უნდა დაკმაყოფილდეს”, - მიმართა სასამართლოს პროკურორმა თორნიკე გოგეშვილმა.

დღევანდელ პროცესზე მოწმის სახით, ბათუმის პოლიციის უფროსი ირაკლი დგებუაძე და აჭარის პოლიციის ყოფილი უფროსი გრიგოლ ბესელია გამოიკითხებიან. ისინი პროკურატურის მიერ წარმოდგენილი მოწმეები არიან.

ავტორი: ექსპრესნიუსი,

სოციალური ქსელები

ლევან სანიკიძე სასამართლომ 5 ათასი ლარით დააჯარიმა

„ევროპის სახალხო პარტიამ“ საქართველოსთან დაკავშირებით რეზოლუცია მიიღო

თინა ბოკუჩავა - ევროპა მოითხოვს მიხეილ სააკაშვილის და ყველა პოლიტპატიმრის გათავისუფლებას

საქართველოს ბანკის Ads მენეჯერს მობილბანკით გასააქტიურებელი შეთავაზების ფუნქციონალი დაემატა