24 აპრილს რუსეთმა უკრაინის რეგიონებზე დრონებითა და რაკეტებით მასიური იერიში მიიტანა.

უკრაინის საჰაერო თავდაცვის ძალების ცნობით მტერმა 70 რაკეტა და 145 უპილოტო საფრენი აპარატი გამოიყენა.

საჰაერო თავდაცვამ 215 საჰაერო სამიზნის განადგურება შეძლო:

• 7 ბალისტიკური რაკეტა ისკანდერი;
• 31 ფრთოსანი რაკეტა X-101;
• 6 ფრთოსანი რაკეტა კალიბრი;
• 4 ერთეული X-59/X-69 საავიაციო მართვადი რაკეტა;
• 64 უპილოტო საფრენი აპარატი;

გარდა ამისა, რადიო ელექტრო ბრძოლის ქვედანაყოფების მუშაობის შედეგად, ლოკაციურად დაკარგულია 68 დრონი.

იერიშის მოგერიებაში აქტიურ მონაწილეობას იღებდა უკრაინის ავიაცია, მათ შორის ავიაგამანადგურებლები Mirage და F-16.

კომბინირებული თავდასხმის შედეგად დაზარალდა კიევის, ხარკოვის, დნეპროპეტროვსკის, ჟიტომირის, ზაპოროჟიესა და ხმელნიცკის რეგიონები.

დრონებითა და რაკეტებით დაიბომბა უკრაინის დედაქალაქი. შედეგად დაიღუპა მინიმუმ 8 (სხვადასხვა ინფორმაციით დაღუპულთა რაოდენობა 10-მდე აღწევს) ადამიანი. დაშავდა 70-ზე მეტი მშვიდობიანი მოსახლე, მათ შორის რამდენიმე ბავშვი.

რუსეთი უკრაინის ტერიტორიას ავიაციითა და არტილერიით ყოველდღიურად ბომბავს.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს