03:30 - 04 May, 2025
ჩვენ შესახებ რეკლამა/ხელმოწერა
2025-04-15 17:59:28, 630 ნახვა

პოლიტიკა
დიმიტრი ცქიტიშვილი — კომისიის სხდომაში მონაწილეობა არ იყო მიზანშეწონილი

პარტიის „გახარია საქართველოსთვის“ წევრის, დიმიტრი ცქიტიშვილის განცხადებით, მიაჩნია, რომ „ქართული ოცნების“ პარლამენტში შექმნილ საგამოძიებო კომისიაზე მისვლა მიზანშეწონილი არ იყო.

ამის შესახებ ცქიტიშვილმა განცხადება დღეს, 15 აპრილს გაავრცელა, მას შემდეგ, რაც გუშინ პარტიის ლიდერი, გიორგი გახარია აღნიშნულ კომისიაზე გამოცხადდა, განსხვავებით სხვა ოპოზიციონერი ლიდერებისაგან.

როგორც ცქიტიშვილი ამბობს, საერთო ოპოზიციური კოორდინაციის ფარგლებში შეთანხმება იყო, რომ ოპოზიციის წარმომადგენლები კომისიაში მონაწილეობას არ მიიღებდნენ.

საქართველოს მეხუთე პრეზიდენტთან, სალომე ზურაბიშვილთან გამართულ ოპოზიციის შეხვედრებზე სწორედ დიმიტრი ცქიტიშვილი წარმოადგენდა გახარიას პარტიას.

როგორც ცქიტიშვილი ამბობს, მან ოპოზიციური კოორდინაციის ფარგლებში თავის პარტიასთან შეუთანხმებლად დაადასტურა, რომ კომისიაში მონაწილეობას არ მიიღებდნენ.

„მინდა ჩემი მხრიდან განვმარტო იმის შესახებ, თუ რა შეთანხმება შედგა კოორდინაციის ფორმატში. კოორდინაციის ფარგლებში, საგამოძიებო კომისიის სხდომაზე არმისვლის შესახებ შეთანხმება მართლაც შედგა — ჩემი მონაწილეობითა და ჩემი დასტურით, მიუხედავად იმისა, რომ ამაზე წინასწარი მსჯელობა პარტიაში არ ყოფილა.მაშინაც მიმაჩნდა და დღესაც იმავე აზრზე ვარ, რომ არ მისვლა იქნებოდა სწორი გადაწყვეტილება რიგი ფაქტორების გათვალისწინებით.

თუმცა, ამ საკითხს აქვს მნიშვნელოვანი პერსონალური განზომილება — განსაკუთრებით ისეთ საკითხებთან მიმართებით, როგორიცაა 20 ივნისი, ჩორჩანა, ან თუნდაც პრემიერ-მინისტრის პოსტის დატოვება. ეს თემები სცდება პარტიულ ჩარჩოებს და განეკუთვნება უფრო მაღალი, სახელმწიფოებრივი ინტერესების სფეროს.ეს ფაქტორები მე უნდა გამეთვალისწინებინა, როდესაც შეთანხმებას ვუერთდებოდი, და ვწუხვარ თუ ამით კოორდინაციის ფორმატი დავაზიანე.

მიუხედავად იმისა, რომ გუშინდელმა დღემ არაერთგვაროვანი რეაქცია გამოიწვია — მათ შორის, პოზიტიური შეფასებებიც — მე კვლავ ვრჩები ჩემს პოზიციაზე, რომ კომისიაში სხდომაში მონაწილეობა არ იყო მიზანშეწონილი“, – დაწერა დიმიტრი ცქიტიშვილმა Facebook-ზე.




ავტორი: ექსპრესნიუსი,


სოციალური ქსელები
ოცნების რეჟიმის მსახურები ამერიკული MEGOBARI-ს აქტის მოლოდინში
ლევან მურუსიძე - სანქციები უსაფუძვლოა, სასამართლო ხელისუფლების ხელში ჩაგდება უნდათ
ბრიტანული დაზვერვა: რუსეთის არმიის დანაკარგებმა უკრაინაში მილიონს მიაღწია
სერბეთის პრეზიდენტი ზელენსკის გაფრთილების შემდეგ პუტინის აღლუმზე ვიზიტის წინ მოულოდნელად ავად გახდა
რედაქტორის რჩევით

ომი უკრაინაში

ვიდეო/LIVE
გახარიას გამოკითხვა წულუკიანის კომისიაში












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics

X
GE25BG0000000606108352 საქართველოს ბანკი
GE41TB7089836080100007 TBC ბანკი