2025-04-14 14:56:40, 1440 ნახვა
ომი უკრაინაში
სუმიში უკრაინის შეიარაღებული ძალების პოლკოვნიკი დაიღუპა
13 აპრილს, ქალაქ სუმის ცენტრზე სარაკეტო იერიშის შედეგად 34 ადამიანი დაიღუპა. ბოლო ინფორმაციით, დაღუპულთა შორის არის უკრაინის შეიარაღებული ძალების პოლკოვნიკი იური იულა.
იულა 26-ე ცალკეული საარტილერიო ბრიგადის მეთაურის ყოფილი თანაშემწეა. ბოლო პერიოდში პოლკოვნიკი ხელმძღვანელობდა სამხედრო ქვედანაყოფ A1476-ს.
დაღუპული სამხედრო ბოგდან ხმელნიცკის სახელობის მე-3 ხარისხის ორდენის კავალერი იყო.
უკრაინის შინაგან საქმეთა სამინისტროს ბოლო მონაცემებით სუმიზე ბალისტიკური რაკეტების იერიშის შედეგად დაიღუპა 34 და დაიჭრა 119 ადამიანი.
ავტორი: ექსპრესნიუსი,
epn.ge (@expressnews.ge)
