როსავიაციამ რუსეთის ავიაკომპანიებს iFly-სა და Nordstar-ს მოსკოვიდან და კრასნოიარსკიდან სოხუმის აეროპორტის მიმართულებით ფრენების ნებართვა გასცა.

სააგენტოს ვებგვერდზე გამოქვეყნებული დოკუმენტის მიხედვით, iFly-ს მოსკოვიდან სოხუმის მიმართულებით ფრენების განხორციელება ნებადართულია კვირაში 14 ფრენის სიხშირით, ხოლო Nordstar - კვირაში 7 რეისი. გარდა ამისა, Nordstar-მა კვირაში სამჯერ მიიღო ნებართვა კრასნოიარსკიდან თვითგამოცხადებული აფხაზეთის დედაქალაქში ფრენისთვის.

საცდელი ფრენა აღდგენილ აეროპორტში 7 თებერვალს შედგა. აპრილის დასაწყისში რუსეთის პრეზიდენტის აღმასრულებელი აპარატის შტაბის უფროსის პირველმა მოადგილემ სერგეი კირიენკომ დაადასტურა 1 მაისიდან საჰაერო მიმოსვლის გახსნის გეგმები.

iFly-ს და Nordstar-ს სანქციები ექვემდებარება - მათ ევროკავშირის ქვეყნებში ფრენა ეკრძალებათ.

მანამდე მედიაში საქართველოს საავიაციო ხელისუფლების კომენტარი გამოქვეყნდა. მასში ნათქვამია, რომ სოხუმის აეროპორტის ოპერირება უკანონო იყო და რომ ავიაკომპანია, რომელიც შეასრულებდა ფრენებს აფხაზეთში, „დაარღვევს საერთაშორისო სამოქალაქო ავიაციის შესახებ ჩიკაგოს კონვენციის ფუნდამენტურ და ძირითად პრინციპებს“. თბილისი აცხადებს, რომ საქართველო სამოქალაქო ავიაციის საერთაშორისო ორგანიზაციის (ICAO) „უპირობო მხარდაჭერით“ სარგებლობს.

შეგახსენებთ, რომ თბილისის, ქუთაისისა და ბათუმის მიმართულებით რეისებს რუსული ავიახაზები Red Wings და Azimuth ახორციელებენ, რომლებიც სანქციების სიაში არ შედიან.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს