გერმანიის თავდაცვის მინისტრის, ბორის პისტორიუსის განცხადებით, რუსეთს ჯერ კიდევ არ არის მშვიდობით დაინტერესებული. მისი თქმით, რუსეთმა უნდა გააცნობიეროს, რომ უკრაინას ბრძოლის გაგრძელება შეუძლია.

"უკრაინის მიმართ რუსეთის აგრესიის გაგრძელების პირობებში უნდა ვაღიაროთ, რომ ახლო მომავალში უკრაინაში მშვიდობის დამყარება მიუღწეველი ჩანს. ჩვენ უზრუნველვყოფთ, რომ უკრაინამ კვლავაც ისარგებლოს ჩვენი ერთობლივი სამხედრო მხარდაჭერით". - აღნიშნა პისტორიუსმა ბრიუსელში უკრაინის თავდაცვის საკონტაქტო ჯგუფის შეხვედრის შემდეგ.

გაერთიანებული სამეფოს თავდაცვის მინისტრმა, ჯონ ჰეილიმ ასევე განაცხადა, რომ უკრაინაში "მსურველთა კოალიციის" ჯარისკაცები სამშვიდობო ძალები არ იქნებიან და განმარტა, რომ კოალიციის ძალები უკრაინის შეიარაღებულ ძალებთან ერთად იმოქმედებენ. 

"ეს არ არის სამშვიდობო ძალები, რომლებიც ამჟამად მეომარ მხარეებს კონტაქტის ხაზთან გაყოფენ. [...] პუტინის აგრესიის განახლების შეკავების ყველაზე ეფექტიანი საშუალება, ცეცხლის შეწყვეტის გამყარების საუკეთესო გზა თავად უკრაინის შეიარაღებული ძალების სიძლიერეა". - თქვა ჰეილიმ. 

ავტორი: ექსპრესნიუსი,

სოციალური ქსელები

სამარაში უკრაინელებმა დააზიანეს ცენტრი რომელიც „სოიუზის“ რაკეტების მიკროელექტრონული კომპონენტებს აწყობს

რუსეთში ბენზინის დეფიციტი საწვავის კრიზისის პიკს უბრუნდება

პირადი ცხოვრების ამსახველი ფოტოები უკანონოდ მოიპოვა და გაავრცელა- კახეთში 1 პირი დააკავეს

რუსეთის იუსტიციის სამინისტრომ არაკომერციული ორგანიზაცია „ბათუმის რუსები“ არასასურველად გამოაცხადა