„ლელო - ძლიერი საქართველოს“ წევრის, ლევან სამუშიას განცხადებით, პარლამენტში შექმნილი დროებითი საგამოძიებო კომისიის მიერ მიღებული ყველა გადაწყვეტილება საქართველოს კონსტიტუციას ეწინააღმდეგება.

მისივე განმარტებით, კომისიის წევრების ნახევარი ოპოზიციის წარმომადგენლებით დაკომპლექტებული უნდა იყოს.

„ხელისუფლების მიმტაცებელმა რუსულმა პოლიტიკურმა ძალამ საქართველოს ეროვნული ინტერესების წინააღმდეგ მიმართული და პოლიტიკური ოპონენტების დევნისათვის განკუთვნილი კომისია შექმნა, რომელსაც ე.წ. საგამოძიებო კომისია დაარქვა. დევნის ფაქტები ცალსახაა და ყველა ვხედავთ, რომ „ძლიერი საქართველოს“ ლიდერებზე დევნა მიმდინარეობს.

გარკვეულ პირთა ჯგუფი პარლამენტში შეიკრიბა. მათ საკუთარ თავს ჯერ პარლამენტი დაარქვეს, შემდეგ ამ გარკვეულ პირთა ჯგუფმა თავიანთი ჯგუფიდან მასხარები გამოყო და ოპოზიცია დაარქვეს, შემდეგ კი შექმნეს ე.წ. ვითომ საგამოძიებო კომისია. მიუხედავად ამ სიყალბეებისა და თავის თავში საქართველოს კონსტიტუციასთან წინააღმდეგობისა, ისიც ვერ გააკეთეს, რომ ფორმალურად, ვითომ ე.წ. საგამოძიებო კომისია ყოფილიყო საქართველოს კონსტიტუციასთან მიახლოებული.

მინდა გითხრათ, რომ აღნიშნული ე.წ. საგამოძიებო კომისია არის ყალბი და ფორმალურად ეწინააღმდეგება საქართველოს კონსტიტუციის 42-ე მუხლს. ვინაიდან საქართველოს კონსტიტუცია ამბობს, რომ კომისიის წევრთა ნახევარი ოპოზიციაში უნდა იყოს. ე.წ. მასხარებს ოპოზიცია დაარქვეს, მაგრამ ამ შემთხვევაში, მაინც არ არის 50%, ვითომ ოპოზიციური წევრებისა.

ზემოთ აღნიშნულიდან გამომდინარე, ე.წ. საქართველოს ღალატის კომისია კონსტიტუციის გარეშე კომისიაა, მისი მიღებული ყველა გადაწყვეტილება საქართველოს კონსტიტუციას ეწინააღმდეგება, ხოლო საუბარი იმაზე, რომ (რასაც დღეს პროკურატურა საუბრობს) გახარიას პარტიას კვოტა გამოუყვეს და ცდილობენ გახარიას პარტიით ამის გამართლებას, არ გამოუვათ, ვინაიდან საქართველოს კონსტიტუცია პირდაპირ საუბრობს, რომ წევრთა ნახევარი უნდა იყოს ოპოზიციის. წევრებს სახელი და გვარი აქვთ, ხოლო კვოტას სახელი და გვარი არ აქვს. აქედან გამომდინარე, ხელისუფლების მიმტაცებელი პოლიტიკური ძალა სრულიად ჩამოშლილია. ე.წ. საგამოძიებო კომისია, როგორც ფაქტობრივად, ისე ფორმალურად, სრულია უკანონოა“, - განაცხად ლევან სამუშიამ.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს