„ერთიანი ნეიტრალური საქართველოს“ ერთ-ერთი ლიდერი, ვატო შაქარაშვილი „მთავარი არხის“ ჟურნალისტს, გიორგი მამნიაშვილს თავს დასხა. შემთხვევა დღეს, 5 აპრილს მოხდა თბილისის ცენტრში, პარლამენტის მიმდებარე ტერიტორიაზე - ქაშვეთის ეკლესიასთან.

მამნიაშვილი ამბობს, რომ ვატო შაქარაშვილს „მონა“ დაუძახა, რადგან 17 მარტს სწორედ მისი ორგანიზაციის მიმართვის გამო დააყადაღეს იმ ფონდების ანგარიშები, რომლებიც პროევროპული აქციების მონაწილეებსა და სხვა სოციალურად დაუცველ ადამიანებს ეხმარებოდნენ.

„შემთხვევით დავინახე ვატო შაქარაშვილი და გოგა ხაინდრავა - ვიდეო ჩავრთე და ვუთხარი, რომ მონა იყო თავისი საქმიანობის გამო, ფონდების დაყადაღება ვიგულისხმე. ამის გამო გადავიდა ფიზიკურ ანგარიშსწორებაზე, რამდენჯერმე წიხლი დამარტყა და სახეში სილა გამაწნა ხუთ-ექვსჯერ. პოლიციამ როგორც კი დაინახა, მოვიდა. ეგენი რომ არ ყოფილიყვნენ, არ ვიცი, რა მოხდებოდა“, - ამბობს მამნიაშვილი.

ძალადობის შემთხვევა ჟურნალისტმა მობილურით გადაიღო. მასში ისმის ვატო შაქარაშვილის ხმაც.

ვატო შაქარაშვილი თავისუფალია. მან რადიო თავისუფლებას დაუდასტურა, რომ გიორგი მამნიაშვილს ფიზიკური შეურაცხყოფა მან მიაყენა, თუმცა დასძინა, რომ გოგა ხაინდრავა მოშორებით იდგა:

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს