სანქციები არის საერთაშორისო თანამეგობრობის მკაფიო სიგნალი – ძალადობა, უკანონო დაპატიმრებები და რეჟიმის რეპრესიები დაუსჯელი არ დარჩება, - ამის შესახებ „სტრატეგია აღმაშენებლის“ ლიდერმა გიორგი ვაშაძემ განაცხადა.

მისივე თქმით, სანქციები, რომლებიც გუშინ ვიხილეთ, ქართველი ხალხის უწყვეტი პროტესტის შედეგია.

„ეს არის საერთაშორისო თანამეგობრობის მკაფიო სიგნალი – ძალადობა, უკანონო დაპატიმრებები და რეჟიმის რეპრესიები დაუსჯელი არ დარჩება. ივანიშვილის რეჟიმი არის მთავარი საფრთხე და მისი პროპაგანდისტების ზღაპრები გამოგონილ მტრებზე და წულუკიანის ღალატის კომისიის ისტორიის შეცვლის მცდელობა ამ რეალობას ვერ შეცვლის.

რეჟიმის ირგვლივ რკალი ვიწროვდება – ყველა ხვდება, რომ ივანიშვილი ტოვებს საქართველოს მარტოს, დაუცველს, სადაც მხოლოდ სიღარიბე და სანქციებია.

ჩვენი გზა: მეტი ევროპა, მეტი დაცულობა, მეტი ინვესტიცია.

ეს არის თავისუფალი საქართველოს ერთადერთი არჩევანი და გამარჯვების გზა!” - აღნიშნავს გიორგი ვაშაძე.

ცნობისთვის, დიდმა ბრიტანეთმა მოსამართლეებს - ლევან მურუსიძესა და მიხეილ ჩინჩალაძეს სანქციები დაუწესა.

ავტორი: ექსპრესნიუსი,

სოციალური ქსელები

ინდიგოს ჟურნალისტს პოლიციის მანქანაში კამერის დამტვრევით დაემუქრნენ

ოლიკო ცისკარიშვილის ახალი ლექსების კრებულის პრეზენტაცია გაიმართება

მოძრაობა „დაასრულე“ - მომავალ შაბათ-კვირას შევხვდებით რამდენიმე ახალი დიზაინით

გაერო კრივი-რიჰზე თავდასხმაზე - ბავშვების ყველაზე დიდი ხოცვა უკრაინაში რუსეთის შეჭრის შემდეგ