„სტრატეგია აღმაშენებლის“ ლიდერი გიორგი ვაშაძე კოალიცია „ლელო - ძლიერი საქართველოს“ ლიდერის მამუკა ხაზარაძის წინააღმდეგ წაყენებულ ბრალს ეხმაურება.

როგორც ვაშაძე სოციალურ ქსელში წერს, აღნიშნული პროცესი პოლიტიკური ანგარიშსწორებაა და არავითარი კავშირი არ აქვს სამართალთან.

"მამუკა ხაზარაძის წინააღმდეგ მიმდინარე პროცესი ცალსახად პოლიტიკური ანგარიშსწორებაა და არავითარი კავშირი არ აქვს სამართალთან.

რეჟიმი ცდილობს, ყველა დასაჯოს, ვინც მის სიცრუეს და უსამართლობას არ ეგუება, მაგრამ ეს არ გაუვა!

სრული სოლიდარობა მამუკას!

ივანიშვილი ამ ბრძოლას ვერ შეაჩერებს და ის აუცილებლად დამარცხდება!" , - წერს გიორგი ვაშაძე.

ცნობისთვის, პროკურატურამ „ლელო - ძლიერი საქართველოს“ ლიდერ მამუკა ხაზარაძეს ბრალდება წარუდგინა. როგორც პროკურატურის განცხადებაშია ნათქვამი, პროკურატურა ბრალდებულისთვის აღკვეთის ღონისძიების შეფარდების მოთხოვნით სასამართლოს კანონით დადგენილ ვადაში მიმართავს.

აღსანიშნავია, რომ სისხლის სამართლის კოდექსით გათვალისწინებული 349-ე მუხლი, რითაც ხაზარაძეს ბრალდება წარედგინა, "საქართველოს პარლამენტის დროებითი საგამოძიებო კომისიის მოთხოვნის შეუსრულებლობას" გულისხმობს, რაც ისჯება ჯარიმით ან თავისუფლების აღკვეთით ვადით ერთ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს