„ხალხის ძალის“ აღმასრულებელი მდივანის, დეპუტატ გურამ მაჭარაშვილის განცხადებით, სამწუხარო მოცემულობაა, რომ „ნაციონალური მოძრაობა“ არა მხოლოდ ხელისუფლებაში, არამედ ოპოზიციაშიც აგრძელებს საქართველოს წინააღმდეგ ქმედებებს.

მაჭარაშვილის თქმით, „ნაციონალური მოძრაობის“ მხრიდან ქვეყნის საწინააღმდეგო ქმედებების არაერთი საჯარო ფაქტია.

„იბრძოლეს, რომ ქვეყანას არ მიეღო კანდიდატის სტატუსი, ქვეყანა გაეშავებინათ და ა.შ. რა თქმა უნდა, კომისიის დასკვნაში ეს მტკიცებულებებიც უნდა დაემატოს. ვცდილობთ, მტკიცებულებებს თავი მოვუყაროთ და დასკვნაში აისახოს. ბევრი გამოსაძიებელი არაფერი აღარ არის, როცა ადამიანები მოდიან და იმ უბედურებებს ჰყვებიან, რასაც „ნაცმოძრაობა“ სჩადიოდა. ამას 2012 წლის შემდეგაც აკეთებენ“, – განუცხადა მაჭარაშვილმა საქართველოს პირველ არხს.

ცნობისთის, პარლამენტის დროებითი საგამოძიებო კომისიის მანდატი გაფართოვდა. გადაწყვეტილება პარლამენტის დღევანდელ პლენარულ სხდომაზე მიიღეს.

პარლამენტის დროებითი საგამოძიებო კომისიის გამოსაკვლევ საკითხად განისაზღვრება „2003-2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში მოქმედი და ყოფილი თანამდებობის პირების 2003 წლიდან დღემდე საქმიანობა“.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს