მიკვირს, რატომ აცდენთ დროს ასეთ უმნიშვნელო პიროვნებებზე, სჯობს პირდაპირ დაკითხოთ "ეფ-ეს-ბე"-ს თავმჯდომარე და მედვედევი, რომლებმაც ბევრად მეტი იციან იმდროინდელ ვითარებაზე , - ამის შესახებ საქართველოს მესამე პრეზიდენტი, მიხეილ სააკაშვილი სოციალურ ქსელში წერს, რითაც „ნაციონალური მოძრაობის” საქმიანობის შემსწავლელ დროებით საგამოძიებო კომისიის მუშაობას ეხმაურება.

მიხეილ სააკაშვილმა ყოფილ დეპუტატ ემზარ კვიციანზე ისაუბრა და აღნიშნა, რომ ის სისტემატურად აშანტაჟებდა საქართველოს ხელისუფლებას.

„ვისაც აღარ ახსოვს, შეგახსენებთ რომ, ემზარ კვიციანი არის ადამიანი რომელიც სისტემატურად აზიანებდა დენის მაღალი ძაბვის გადამცემ ხაზებს და აშანტაჟებდა ხელისუფლებას.

შემდეგ მან მოაწყო ამბოხი და ერთხანს თავი შეაფარა სეპარატისტებს აფხაზეთში, მოგვიანებით კი საცხოვრებლად გადავიდა რუსეთში”, - წერს მიხეილ სააკაშვილი.

ინფორმაციისთვის, პარლამენტში „ნაციონალური მოძრაობის” საქმიანობის შემსწავლელი დროებითი საგამოძიებო კომისიის მერვე სხდომაზე ემზარ კვიციანს მოუსმინეს.

ავტორი: ექსპრესნიუსი,

სოციალური ქსელები

ემანუელ მაკრონი ტრამპის მიერ გამოცხადებული ტარიფებით დაზარალებული სექტორების წარმომადგენლებს შეხვდება

შინაგან საქმეთა სამინისტრომ 3 ნარკორეალიზატორი დააკავა

მიგრაციის დეპარტამენტის თანამშრომლებმა მარტის თვეში უცხო ქვეყნის 97 მოქალაქე საქართველოდან გააძევეს

პოლიციამ თბილისში მომხდარი ჯგუფური ძალადობის ფაქტზე 2 პირი დააკავა