2025-03-31 15:08:14, 661 ნახვა
მსოფლიო
ისრაელმა რაფაჰის მოსახლეობის ევაკუაციის ბრძანება გასცა
ისრაელის თავდაცვის ძალებმა ღაზას სექტორის სამხრეთ ნაწილში მდებარე ქალაქ რაფაჰის და რამდენიმე მიმდებარე მუნიციპალიტეტის მოსახლეობის ევაკუაციის ბრძანება გასცა.
მედიის ცნობით, ეს ინფორმაცია ისრაელის თავდაცვის ძალების პრესსპიკერმა სოციალურ ქსელში დაადასტურა.
„ჰამასსა“ და ისრაელს შორის ცეცხლის შეწყვეტის შესახებ შეთანხმების პირველი ეტაპის დასრულების შემდეგ ისრაელმა ღაზას რამდენიმე რაიონში დაბომბვა განაახლა.
რაფაჰი ძირითადად ნანგრევებად იქცა გასული წლის მაისში მასზე განხორციელებული თავდასხმის გამო.
ისრაელი აცხადებს, რომ ეგვიპტის მოსაზღვრე რეგიონში მისი ყოფნის შენარჩუნება საჭიროა, რათა იარაღის კონტრაბანდა აიცილონ თავიდან.
ავტორი: ექსპრესნიუსი,
epn.ge (@expressnews.ge)
