რუსეთმა უკრაინაში ქალაქ დნეპრზე დრონებით იერიში მიიტანა, რის შედეგადაც რამდენიმე ხანძარი გაჩნდა. არიან დაღუპულები და დაშავებულები.

ამის შესახებ ინფორმაციას დნეპროპეტროვსკის ოლქის გუბერნატორი, სერგეი ლისაკი ავრცელებს. ცნობები ადგილობრივ ტელეგრამ-არხებშიც ვრცელდება.

უახლესი ინფორმაციით, დაღუპულია, სულ მცირე, 4 ადამიანი, ხოლო დაშავდა, სულ მცირე, 15 ადამიანი.

"დნეპრში აფეთქებები ისმის. უპილოტო საფრენი აპარატების თავდასხმის გამო რამდენიმე ხანძარი გაჩნდა. წინასწარი მონაცემებით, საცხოვრებელ სექტორში არის დაზიანებები. ყველა ინფორმაცია ზუსტდება". - წერდა ლისაკი. 

მოგვიანებით, ლისაკმა განახლებული ინფორმაცია გაავრცელა და თქვა, რომ იერიშების შედეგად არიან დაღუპულები და დაშავებულები. მისივე ცნობით, ხანძრები სარესტორნო კომპლექსში, მრავალსართულიან კორპუსსა და კერძო სახლებში გაჩნდა. 

ლისაკის ინფორმაციით, ერთ-ერთი დაშავებული 27 წლის ორსული ქალია, დაშავებულთაგან ორი კი 69 წლის კაცი და ქალი არიან, რომლებიც მძიმე მდგომარეობაში არიან. 

ავტორი: ექსპრესნიუსი,

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა