27 მარტის საღამოს და 28 მარტს, რუსეთმა უკრაინის ტერიტორიაზე 163 უპილოტო საფრენი აპარატით მასიური იერიში მიიტანა.

უკრაინის საჰაერო თავდაცვის ძალების ცნობით, ჩამოგდებულია 89 დრონი.

გარდა ამისა რადიო ელექტრო ბრძოლის ქვედანაყოფების მუშაობის შედეგად, ლოკაციურად დაკარგულია 51 უპილოტო საფრენი აპარატი.

იერიში მიტანილი ხარკოვის, სუმის, პოლტავის, დნეპროპეტროვსკის, ოდესის, ნიკოლაევისა და ზაპოროჟიეს ოლქებზე.

ოდესის ოლქის დაბომბვის შედეგად, ცეცხლი გაუჩნდა რამდენიმე კერძო სახლსა და ავტოფარეხს. წინასწარი მონაცემებით დაშავებულია ერთი ადამიანი.

თავდასხმის შედეგად, დნეპროპეტროვსკში დაზიანდა სასოფლო-სამეურნეო საწარმო. ბოლო მონაცემებით არავინ დაშავებულა.

რეგიონზე იერიშისას ოკუპანტებმა გამოიყენეს როგორ უპილოტო საფრენი აპარატები, ისე სარაკეტო ზალპური ცეცხლის სისტემა გრადი.

პოლტავის ოლქში, უპილოტო საფრენი აპარატების იერიშის შედეგად 2500 კვადრატული მეტრის ფართობზე ხანძარი გაჩნდა.

თავდასხმის შედეგად დაზიანდა რამდენიმე სასაწყობე შენობა, ადმინისტრაციული შენობა და ერთ-ერთი საწარმოს ტრანსფორმატორი. 

ხანძრის ჩასაქრობად მობილიზებული იყო 19 სახანძრო მანქანა და 90 მეხანძრე.

მასიური იერიშის მოგერიებაში საჰაერო თავდაცვის ძალებისა და რადიო ელექტრო ბრძოლის ქვედანაყოფების გარდა ჩართული იყო ავიაცია, საზენიტო სარაკეტო ჯარები და მობილური ცეცხლის ჯგუფები.

რუსეთი უკრაინის ტერიტორიას ავიაციითა და არტილერიით ყოველდღიურად ბომბავს.

ავტორი: ექსპრესნიუსი,

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა