ალასანია ფარულ ჩანაწერებზე: აღმოჩნდა, რომ ღარიბაშვილის დროს ეს მასალები განადგურებული არ არის

2016-03-12 21:36:55, 773 ნახვა

სამართალი

"აღმოჩნდა, რომ ღარიბაშვილის დროს ეს მასალები განადგურებული არ არის" - ასე გამოეხმაურა "რუსთავი 2-ის" პირდაპირ ეთერში თავისუფალი დემოკრატების ლიდერი, ირაკლი ალასანია ფარული ჩანაწერების სკანდალს. ალასანია ამბობს, რომ ეს იყო თავდასხმა მთლიანად სახელმწიფოზე.

თავისუფალი დემოკრატების ლიდერი ჟურნალისტების ერთსულოვნებაზე ამახვილებს ყურადღებას. ის იქვე ამბობს, რომ მასალების დაგროვება წინა ხელისუფლების დროს მოხდა, მაგრამ "აღმოჩნდა, რომ ღარიბაშვილის მინისტრობის დროს ეს მასალები განადგურებული არ არის"

"მე გახარებული დავრჩი, რომ საზოგადოებამ მალე დაინახა თუ რამხელა ბოროტებასთან და პოლიტიკურ თავდასხმასთან დგვაქვს საქმე არა ერთი პოლიტიკური პარტიის, არამედ მთლიანად არჩევნების მიმართ, სახელმწიფოს მიმართ. ჟურნალისტების ერთსულოვნება ძალიან მკაფიო იყო, იყო შეცდომაც და გადაცდენებიც და არ მინდა, რომ ერთ კონკრეტულ მედიასაშუალებაზე აგდატყდეს ჯოხი. მთავარი არის ის, რომ ვის შეეძლო ეს მასალები მოეპოვებინა ფაქტია, რომ ეს არის ხელისუფლების ხელში. ამ მასალების დაგროვება მოხდა წინა ხელისუფლების დროს, მაგრამ აღმოჩნდა, რომ ღარიბაშვილის მინისტრობის დროს ეს მასალები განადგურებული არ არის. ეს არის პრემიერმინისტრის გამოწვევა. ასევე შეიძელბა ისე რომ პერმიერი არ ყოფილიყო საქმის კურსში არაფორმალური დავალება სპეცსამსახურებს გაეცათ,"- განაცხადა ირაკლი ალასანიამ.