უკრაინის შეიარაღებულმა ძალებმა F-16-ების ახალი პარტია მიიღო. ინფორმაციას ვოლოდიმირ ზელენსკი ავრცელებს.

"უკრაინაში დამატებითი F-16-ები მოფრინდა. რუსები იტყუებიან, რომ რაღაც ჩამოაგდეს, არაფერიც არ ჩამოუგდიათ. კარგი ამბავი კი ის არის, რომ უკრაინამ რამდენიმე F-16 მიიღო". – თქვა უკრაინის პრეზიდენტმა.

მიღებული ავიაგამანადგურებლების ზუსტი რაოდენობა ზელენსკის არ დაუსახელებია.

ცოტა ხნით ადრე, უკრაინის დეზინფორმაციასთან ბრძოლის სამსახურმა განაცხადა, რომ სუმის ოლქში უკრაინული F-16-ის ჩამოგდების შესახებ გავრცელებული ინფორმაცია სიმართლეს არ შეესაბამება.

2023 წელს, აშშ-ს, დანიისა და ნიდერლანდების მეთაურობით შექმნილმა ავიაგამანადგურებლების კოალიციამ უკრაინისთვის F-16 ტიპის ავიაგამანადგურებლების გადაცემა დაიწყო.

პირველი ნიდერლანდური თვითმფრინავები უკრაინამ 2024 წლის ოქტომბერში მიიღო, ხოლო მეორე პარტიის შესახებ ცნობები 2025 წლის თებერვალში გავრცელდა.

უკრაინის თავდაცვის მინისტრი რუსტამ უმეროვი თებერვლის შუაში თავის ბელგიელ კოლეგას შეხვდა. მინისტრებმა F-16-ის პროგრამის შემდგომ განხორციელებაზე იმსჯელეს.

ავტორი: ექსპრესნიუსი,

სოციალური ქსელები

ნავროცკიმ ზელენსკის მიმართა „თეთრი არწივის“ სკანდალის ფონზე

ღობის საქმის მოსამართლე: თქვენ ყველანი პატიოსანი ადამიანები ხართ, მაგრამ კანონი დაარღვიეთ

ევროპის საბჭოს საპარლამენტო ასამბლეის რეზოლუციის პროექტში საქართველოში დემოკრატიის უკუსვლაზეა საუბარი

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს