კვირას გერმანიის ქალაქ გერაში კაცმა ცოლს ტრამვაიში აალებადი სითხე გადაასხა და ცეცხლი წაუკიდა. ადგილობრივი პოლიციის ცნობით, ქალი მძიმე დამწვრობებით საავადმყოფოშია გადაყვანილი და კრიტიკულ მდგომარეობაში იმყოფება.

გავრცელებული ინფორმაციით, ცეცხლის წაკიდებისთანავე მგზავრებმა ტრამვაი ავარიული ღილაკის გამოყენებით გააჩერეს, მძღოლმა კი ცეცხლმაქრის საშუალებით ცეცხლის ჩაქრობა მალევე შეძლო, თუმცა, ქალმა სიცოცხლისთვის საშიში დამწვრობები მაინც მიიღო. დაშავებული სპეციალურ ჰოსპიტალში ვერტმფრენით გადაიყვანეს. 

გერმანული მედიის ცნობით, ეჭვმიტანილმა ადგილიდან მიმალვა მოახერხა. მას სამართლდამცავები მთელი დღის განმავლობაში ეძებდნენ. სამძებრო სამუშაოებში ასევე, ჩართული იყო ვერტმფრენი და პოლიციის ძაღლებიც. პოლიციამ გაავრცელა ეჭვმიტანილის ფოტოც.

დღეს დილით კი გერას პოლიციის განყოფილებაში 46 წლის ქართველი კაცი, თენგიზ კაკიაშვილი გამოცხადდა და დანაშაული აღიარა. პოლიციის ცნობით, კაკიაშვილი დაკავებულია, გამოძიება კი მკვლელობის მცდელობით მუხლით გრძელდება.

ავტორი: ექსპრესნიუსი,

სოციალური ქსელები

პესკოვი - ამერიკის ხმა და რადიო თავისუფლება უაღრესად პროპაგანდისტული მედიებია

დონალდ ტუსკი - ვილნიუსში IKEA-ს მაღაზიაში გაჩენილი ხანძრის უკან რუსეთის სამხედრო დაზვერვა დგას

პეტრას აუსტრევიჩუსი - თბილისის რეჟიმი ცდილობს პრეზიდენტ სააკაშვილზე ყველა შესაძლო ზეწოლა შეინარჩუნოს

გურჯაანის მუნიციპალიტეტის სოფელ ჩუმლაყში ეკლესია გაქურდეს