დღეს გრენლანდიაში საპარლამენტო არჩევნები გაიმართება, - ამის შესახებ ინფორმაციას The Guardian-ი ავრცელებს.

საპარლამენტო არჩევნების წინ გრენლანდიის პრემიერ-მინისტრმა, მუტე ეგედემ განაცხადა, რომ გრენლანდიელებმა „გადამწყვეტი მნიშვნელობის მქონე არჩევანი უნდა გააკეთონ“.

„ის, რაც ახლა მსოფლიოში ხდება, ძალიან მაწუხებს. არის მსოფლიო წესრიგი, რომელიც ბევრ ფრონტზე იშლება და ასევე, არის პრეზიდენტი აშშ-ში, რომელიც არაპროგნოზირებადია და ეს ადამიანებს დაუცველობას აგრძნობინებს“, - განაცხადა ეგედემ.

ამასთან, ეგედეს თქმით, აშშ-ის პრეზიდენტი, დონალდ ტრამპი გრენლანდიელების მიმართ პატივისცემას არ გამოხატავს.

„ჩვენ პატივისცემით მოპყრობას ვიმსახურებთ და ვფიქრობ, რომ აშშ-ის პრეზიდენტს, თანამდებობის დაკავების შემდეგ, ეს არ გაუკეთებია“, - აღნიშნა გრენლანდიის პრემიერმა.

გრენლანდიის პარლამენტი 31 ადგილისგან შედგება და უმრავლესობის მოსაპოვებლად 16 მანდატია საჭირო.

შეგახსენებთ, აშშ-ის პრეზიდენტმა, დონალდ ტრამპმა უკვე არაერთხელ განაცხადა, რომ დანიის ავტონომიური ტერიტორიის, გრენლანდიაზე კონტროლის მოპოვება აშშ-ის უსაფრთხოებისთვის მნიშვნელოვანია. გასულ კვირას კონგრესში სიტყვით გამოსვლისას დონალდ ტრამპმა აღნიშნა, რომ იგი „გრენლანდიელი ხალხის უფლებას, თავიანთი მომავალი თავად განსაზღვრონ“, მხარს უჭერს, თუმცა კიდევ ერთხელ გაიმეორა, რომ აშშ-ს გრენლანდია ეროვნული და საერთაშორისო უსაფრთხოებისთვის სჭირდება.

ავტორი: ექსპრესნიუსი,

სოციალური ქსელები

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა

ისრაელის თავდაცვის მინისტრმა Flydubai-სთან დაკავშირებულ ინციდენტს „ჯიჰადისტური ტერორისტული თავდასხმის მცდელობა“ უწოდა