2025-03-10 16:18:18, 480 ნახვა
მსოფლიო
გრენლანდიის პრემიერი - ჩვენ ვიმსახურებთ პატივისცემით მოპყრობას და არ მგონია, რომ აშშ-ის პრეზიდენტი ამას აკეთებს
აშშ-ის პრეზიდენტი დონალდ ტრამპი გრენლანდიელებს პატივისცემით არ ეპყრობა, – ამის შესახებ გრენლანდიის პრემიერ-მინისტრმა განაცხადა.
გრენლანდიის პრემიერი გამოეხმაურა გრენლანდიის შესახებ ტრამპის განცხადებას, რომლის თანახმადაც: „ჩვენ გავაგრძელებთ თქვენს უსაფრთხოებაზე ზრუნვას, როგორც მეორე მსოფლიო ომის შემდეგ. ჩვენ მზად ვართ, მილიარდობით დოლარის ინვესტიცია ჩავდოთ ახალი სამუშაო ადგილების შესაქმნელად და თქვენი გასამდიდრებლად“.
გრენლანდიის პრემიერ-მინისტრმა, მუტე ეგედემ დანიის საზოგადოებრივ მაუწყებელთან ინტერვიუში აღნიშნა: „ჩვენ ვიმსახურებთ პატივისცემით მოპყრობას და არ მგონია, რომ აშშ-ის პრეზიდენტი ამას აკეთებს, მას შემდეგ რაც თანამდებობა დაიკავა“.
ავტორი: ექსპრესნიუსი,
epn.ge (@expressnews.ge)
