გამოკითხვის მიხედვით, აშშ-სთან ურთიერთობის გამწვავების ფონზე, უკრაინელებს შორის ქვეყნის პრეზიდენტის, ვოლოდიმირ ზელენსკისადმი ნდობა 68%-მდე გაიზარდა. ინფორმაციას ამის შესახებ უკრაინული მედია ავრცელებს.

„კიევის საერთაშორისო სოციოლოგიის ინსტიტუტის“ მიერ ჩატარებული გამოკითხვის შედეგების მიხედვით, ოვალურ კაბინეტში კამათის შემდეგ, ვოლოდიმირ ზელენსკისადმი ნდობა თებერვლის პირველ ნახევარში არსებული 57%-დან 68%-მდე გაიზარდა.

გამოკითხვის თანახმად, 2025 წლის თებერვლის პირველ ნახევარში უკრაინელების 57% ენდობოდა ზელენსკის, პრეზიდენტის ნდობას არ უცხადებდა 37%.

14 თებერვლიდან 4 მარტამდე პერიოდში კი სახელმწიფოს მეთაურისადმი ნდობის დონე 67%-მდე გაიზარდა, ხოლო მათი რაოდენობა, ვინც ზელენსკის არ ენდობა, 29%-მდე შემცირდა.

გამოკითხვის მიხედვით, პრეზიდენტისადმი ნდობა შედარებით დაბალია უკრაინის აღმოსავლეთში, თუმცა უმეტესობა მაინც ენდობა ზელენსკის. გამოკითხვის შედეგების თანახმად, პრეზიდენტს ენდობა 60%, ხოლო არ ენდობა 36%.

„კიევის საერთაშორისო სოციოლოგიის ინსტიტუტის“ მიერ ჩატარებულ გამოკითხვაში მონაწილეობა მიიღო 1029 ადამიანმა. გამოკითხვა ჩატარდა უკრაინაში იმ მონეტისთვის მცხოვრებ 18 წელს ზემოთ ასაკის მოქალაქეებთან. კვლევითი ცენტრის ცნობით, ასეთი გამოკითხვის დროს, ცდომილება არ აღემატება 4,1%-ს.

ავტორი: ექსპრესნიუსი,

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა