შესაბამისი ცვლილებები თუ არ შედგა, თვითმმართველობის არჩევნები უკვე არის გამოცხადებული არალეგიტიმურად, – ამის შესახებ „ლელოს“ წევრმა, სალომე სამადაშვილმა განაცხადა.

მისი თქმით, ქვეყანაში ევროსაბჭოს დელეგაცია ჩამოვიდა, შეისწავლა ვითარება და თქვა, რომ უნდა გადადოთ ადგილობრივი არჩევნები, არსებულ ვითარებაში არჩევნების ჩატარებას აზრი არ აქვსო.

„თვითმმართველობის არჩევნები უკვე არის გამოცხადებული არალეგიტიმურად, თუ არ შედგა შესაბამისი ცვლილებები, ამიტომ ეს არჩევანზე კი არ არის საუბარი. საუბარია იმაზე, რომ ჩამოვიდა შესაბამისი ევროსაბჭოს დელეგაცია, შეისწავლა ვითარება და თქვა, რომ უნდა გადადოთ ადგილობრივი არჩევნებიო, იმიტომ რომ არსებულ ვითარებაში არჩევნების ჩატარებას აზრი არ აქვს. აქ საკითხი არ არის, ვინ მიიღებს არჩევნებში მონაწილეობას, არამედ ამ ქვეყანაში საერთოდ არსებობს არჩევნები, თუ გააუქმეს ოფიციალურად. დასავლეთი გვეუბნება, რომ გაუქმებულია არჩევნები“, – განაცხადა სალომე სამადაშვილმა.

როგორც სალომე სადამაშვილი ამბობს, „სამართლიანი და თავისუფალი არჩევნების ჩატარება არალეგიტიმურ რუსულ რეჟიმს ეშინია“.

„მხოლოდ არჩევნების შემდეგ, რომელიც როგორც რუსული სპეცოპერაცია ჩაატარეს, ბოლო გამოკითხვით თუ არ ვცდები დაკარგეს, მხარდაჭერის 12-13 პროცენტი. ამიტომ იციან, რომ არანაირი შანსი არ აქვთ ქვეყანაში დემოკრატიული არჩევნების გზით ძალაუფლების შენარჩუნების. მაშინ რაში დასჭირდათ გაყალბება? აღარ აქვთ რეალურად მხარდაჭერა, ამიტომ წავიდნენ გაყალბებაზე, ამიტომ აღმოჩნდნენ სანქცირებულები, სრულიად იზოლირებულები დასავლეთისგან და დღეს ხან ტაჯიკეთში, ხან უზბეკეთში დადიან, იმიტომ რომ სხვაგან მათ არავინ აღარც იღებს, არც ელოდება და არც ხელს ართმევს“, – განაცხადა სალომე სამადაშვილმა.

ავტორი: ექსპრესნიუსი,

სოციალური ქსელები

აშშ-მ ირანის წინააღმდეგ სანქციები გააფართოვა და მსხვილი ავტომწარმოებლები და რკინიგზის კომპანიები მოიცვა

ნატოს გენერალური მდივანი: ევროპა დღეს მშვიდობაში არ არის

„პუტინის გზა“: მოსკოვი რუსეთიდან საქართველოს გავლით სომხეთამდე რკინიგზის მარშრუტის პოპულარიზაციას იწყებს

„თბილისობის“ დღესასწაულთან დაკავშირებით საავტომობილო გადაადგილება რამდენიმე ქუჩაზე დროებით იზღუდება