მინდა, დავასტურო უკრაინის ერთგულება მშვიდობისადმი. არცერთ ჩვენგანს არ სურს გაუთავებელი ომი. უკრაინა მზადაა, რაც შეიძლება მალე მივიდეს მოლაპარაკების მაგიდასთან, რომ მივიღოთ გრძელვადიანი მშვიდობა - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

მისივე თქმით, უკრაინელებზე მეტად მშვიდობა არავის უნდა. 

,,მე და ჩემი გუნდი მზად ვართ ვიმუშაოთ პრეზიდენტ ტრამპის ძლიერი ხელმძღვანელობით, რათა მივიღოთ გრძელვადიანი მშვიდობა.

ჩვენ მზად ვართ, სწრაფად ვიმუშაოთ ომის დასასრულებლად - პირველი ეტაპები შეიძლება იყოს ტყვეების გათავისუფლება და ზავი ცაში - რაკეტების აკრძალვა, შორი დისტანციური თვითმფრინავების აკრძალვა, ბომბები ენერგეტიკასა და სხვა სამოქალაქო ინფრასტრუქტურაზე - და დაუყოვნებლივი ზავი ზღვაში, თუ რუსეთი ამას გააკეთებს. ამის შემდეგ, ჩვენ გვსურს, ძალიან სწრაფად გადავიდეთ ყველა მომდევნო ეტაპზე და ვიმუშაოთ აშშ-სთან ძლიერი საბოლოო შეთანხმების მისაღწევად.

ჩვენ ნამდვილად ვაფასებთ, რამდენს აკეთებს აშშ უკრაინის სუვერენიტეტისა და დამოუკიდებლობის შენარჩუნებაში დასახმარებლად. ჩვენ გვახსოვს ის მომენტი, როდესაც ყველაფერი შეიცვალა, როდესაც პრეზიდენტმა ტრამპმა უკრაინას ჯაველინები მიაწოდა. ჩვენ მადლობელი ვართ ამისთვის.

პარასკევს, ჩვენი შეხვედრა ვაშინგტონში, თეთრ სახლში, ისე არ წარიმართა, როგორც უნდა ყოფილიყო. სამწუხაროა, რომ ასე მოხდა. დროა საქმეების გამოსწორების. ჩვენ გვინდა, რომ მომავალი თანამშრომლობა და კომუნიკაცია კონსტრუქციული იყოს.

რაც შეეხება წიაღისეულისა და უსაფრთხოების შესახებ შეთანხმებას - უკრაინა მზადაა, ხელი მოაწეროს მას ნებისმიერ დროს და ნებისმიერ ხელსაყრელ ფორმატში. ჩვენ ვხედავთ ამ შეთანხმებას, როგორც ნაბიჯს უფრო დიდი უსაფრთხოებისა და უსაფრთხოების მყარი გარანტიებისკენ და იმედი მაქვს, რომ ის ეფექტურად იმუშავებს'' - წერს X-ზე წერს უკრაინის პრეზიდენტი, ვოლოდიმირ ზელენსკი.

ავტორი: ექსპრესნიუსი,

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა