გერმანიის ქრისტიან-დემოკრატიული კავშირის ლიდერის, ფრიდრიხ მერცის შეფასებით, თეთრ სახლში ვოლოდიმირ ზელენსკის, დონალდ ტრამპსა და ჯეი დი ვენსს შორის მომხდარი დაპირისპირება ,,მიზანმიმართული ესკალაცია" იყო. ამის შესახებ გერმანიის მომავალმა კანცლერმა ბერლინში ქრისტიან-დემოკრატებთან შეხვედრის დროს ისაუბრა.

,,ჩემი აზრით, ოვალურ კაბინეტში შეხვედრის დროს ზელენსკის განცხადებებზე რეაქცია, სპონტანური არ ყოფილა – ადგილი ჰქონდა მიზანმიმართულ ესკალაციას. როგორც წესი, ეს პრესასთან შეხვედრები მხოლოდ რამდენიმე წუთი გრძელდება, თუმცა, პარასკევს, ყველაფერი სხვაგვარად იყო". - თქვა მერცმა.

ამასთან, მერცმა აღნიშნა, რომ საკმაოდ გაკვირვებული იყო, მათ შორის, დიალოგის ორმხრივი ტონით.

გერმანიის მომავალი კანცლერის თქმით, ზელენსკისა და ტრამპს შორის მომხდარი დაპირისპირება, აშშ-ს მთავრობის ამჟამინდელ ქცევებში ჯდება.

,,ის, რაც ვაშინგტონში ვიხილეთ გარკვეულწილად თანმიმდევრულია ბოლო კვირებსა და თვეებში მომხდარი რიგი მოვლენების გათვალისწინებით, მათ შორის, აშშ-ს დელეგაციის მიუნხენში უსაფრთხოების კონფერენციაზე გამოჩენასთან დაკავშირებით". - თქვა მერცმა.

მერცის თქმით, ევროპამ უნდა აჩვენოს რომ დამოუკიდებელი ნაბიჯებისთვის მზად არის, თუმცა, ამავდროულად, ყველაფერი უნდა გააკეთოს იმისთვის, რომ მოხდეს ამერიკელების ევროპაში შენარჩუნება. მისი თქმით, აშშ ასევე დაინტერესებულია ამით.

ავტორი: ექსპრესნიუსი,

სოციალური ქსელები

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა