დიდი ბრიტანეთი უკრაინას 2,26 მილიარდი ფუნტი სტერლინგის, ანუ დაახლოებით 3 მილიარდი აშშ დოლარის ოდენობის სესხს აძლევს თავდაცვის საჭიროებისთვის.

1 მარტს უკრაინის ფინანსთა მინისტრმა სერხი მარჩენკომ და დიდი ბრიტანეთის ფინანსთა კანცლერმა რეიჩელ რივზმა შესაბამისი ხელშეკრულება გააფორმეს, იტყობინება უკრაინის ფინანსთა სამინისტრო.

აღსანიშნავია, რომ ხელმოწერის ცერემონია ონლაინ რეჟიმში გაიმართა. მას ესწრებოდნენ უკრაინის პრეზიდენტი ვოლოდიმირ ზელენსკი და ბრიტანეთის პრემიერ მინისტრი კირ სტარმერი.
ფინანსთა სამინისტრომ განმარტა, რომ თანხები G7 ქვეყნების უკრაინის საგანგებო შემოსავლების დაჩქარების მექანიზმის ნაწილია, საერთო მოცულობით 50 მილიარდი აშშ დოლარი.

„სესხის მომსახურება და დაფარვა მოხდება რუსეთის იმობილიზაციის სუვერენული აქტივებიდან მიღებული მომავალი შემოსავლით“, - ნათქვამია განცხადებაში.

ორგანიზაციამ ხაზგასმით აღნიშნა, რომ დაფინანსება 30 წლით არის გათვალისწინებული და შემოსული თანხები მოხმარდება უკრაინის საჭიროებების შესაბამისად თავდაცვის მასალების შესყიდვას.

ფინანსთა სამინისტრომ გაიხსენა, რომ G7 ქვეყნების უკრაინის საგანგებო შემოსავლების დაჩქარების მექანიზმის (ERA) ფარგლებში, უკრაინამ უკვე მიიღო 1 მილიარდი დოლარი აშშ-დან და 3 მილიარდი ევრო ევროკავშირიდან.

ავტორი: ექსპრესნიუსი,

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა