საფრანგეთი მზადაა, თავისი ბირთვული შეკავების ძალები ევროპის დასაცავად გამოიყენოს, - ინფორმაციას The Telegraph-ი ავრცელებს.

გამოცემის ცნობით, საფრანგეთმა ბირთვული იარაღის მატარებელი მოიერიშე თვითმფრინავები, შეიძლება, გერმანიაში განათავსოს იმ ფონზე, როცა აშშ თავისი ძალების კონტინენტიდან გაყვანით იმუქრება.

ფრანგმა ოფიციალურმა პირმა The Telegraph-ს განუცხადა, რომ მოიერიშე თვითმფრინავების განლაგება გზავნილს გაუგზავნის ვლადიმერ პუტინს, ხოლო ბერლინში დიპლომატები ვარაუდობენ, რომ ეს ზეწოლას მოახდენს გაერთიანებული სამეფოს პრემიერ-მინისტრზე, კირ სტარმერზე, რათა მანაც იგივე გააკეთოს.

„გერმანიაში რამდენიმე ფრანგული ბირთვული გამანადგურებლის განთავსება არ უნდა იყოს რთული და ძლიერ გზავნილს გააგზავნის“, - აღნიშნა წყარომ.

„ფრიდრიხ მერცმა, რომელიც, მოსალოდნელია, რომ გერმანიის შემდეგი კანცლერი გახდება, ბრიტანეთსა და საფრანგეთს მოუწოდა, გააძლიერონ ბირთვული თავდაცვა, რადგან ის დონალდ ტრამპის ამერიკისგან ევროპის „დამოუკიდებლობას“ ეძებს“, - წერს The Telegraph-ი.

ემანუელ მაკრონი ფრიდრიხ მერცს თეთრ სახლში ვიზიტამდე ტელეფონით ესაუბრა.

დონალდ ტრამპთან შეხვედრის შემდეგ გამართულ პრესკონფერენციაზე მაკრონმა განაცხადა, რომ მშვიდობა „არ უნდა იყოს უკრაინის კაპიტულაცია“ და მან ევროკავშირის ქვეყნებს მოუწოდა, მეტი ძალისხმევა გამოიჩინონ კონტინენტის დასაცავად.

The Telegraph-ი წერს, რომ საფრანგეთის არსენალი შედგება დაახლოებით, 300 ბირთვული იარაღისგან, რომლის გაშვება ზღვიდან და ჰაერიდანაა შესაძლებელი.

ბრიტანეთის Trident-ის ბირთვული შემაკავებელი სისტემა კი შედგება ოთხი Vanguard-ის კლასის წყალქვეშა ნავისაგან, მათგან თითოეულს 16-მდე ქობინის ტარება შეუძლია.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს