უკრაინაში ომის შესახებ რუსულ მხარესთან მოლაპარაკებების შემდეგ აშშ-ს სახელმწიფო მდივანმა მარკო რუბიომ ვაშინგტონის მიერ კრემლთან ურთიერთობების გადატვირთვაზე მიანიშნა. 

თუმცა, New York Times-ის ექსკლუზიური ინფორმაციით, რუბიო ასევე ეცადა ევროპელი მოკავშირეების დამშვიდებას და მათ კერძო საუბრებში უთხრა, რომ არსებული შიშების მიუხედავად, რუსეთთან ერ-რიადში გამართული მოლაპარაკებები არ ასახავს ამერიკული ტრადიციული საგარეო პოლიტიკის მოულოდნელ და დრამატულ ცვლილებას. 

ამის ნაცვლად, როგორც რუბიომ, გავრცელებული ცნობებით, ევროპელ დიპლომატებთან სატელეფონო საუბრისას თქვა, საუდის არაბეთში გამართული მოლაპარაკებები ერთგვარი ტესტი იყო იმის გასარკვევად, სერიოზულად უდგებოდა თუ არა რუსეთი უკრაინასთან სამშვიდობო შეთანხმების მიღწევის საკითხს. 

NYT-ის ცნობით, რუბიომ ევროპელ მაღალჩინოსნებს ასევე უთხრა, რომ ტრამპის ადმინისტრაციას არ აქვს რაიმე გეგმა ან განზრახვა, აიძულოს ევროპა და უკრაინა, მიიღონ რუსეთსა და აშშ-ს შორის მიღწეული ორმხრივი შეთანხმების პირობები. 

ამასთან, აშშ-ს სახელმწიფო მდივნის თქმით, ტრამპის ადმინისტრაცია არ მოუხსნის რუსეთს სანქციებს, თუ მოსკოვის ქცევაში მნიშვნელოვანი ცვლილება არ იქნება. თუმცა, ამ წინადადებით რუბიომ არ გამორიცხა, რომ თუ რუსეთი იმ ნაბიჯების გადადგმას დაიწყებს, რომლებიც ტრამპის ადმინისტრაციის ინტერესებშია, აშშ რუსეთის წინააღმდეგ დაწესებული სანქციების ნაწილს შეამსუბუქებს. 

NYT-ის ცნობით, რუბიომ ევროპელ დიპლომატებს ასევე უთხრა, რომ ტრამპის ადმინისტრაცია ხედავს, რომ რუსეთი შესაძლოა, აშშ-სთან საუდის არაბეთში გამართულ მოლაპარაკებებს დასავლეთში განხეთქილებების დასათესად ან საერთაშორისო სცენაზე საკუთარი იზოლაციის შესამსუბუქებლად იყენებდეს. 

აშშ-ს სახელმწიფო დეპარტამენტს ევროპელ დიპლომატებთან რუბიოს კერძო საუბრების შესახებ კომენტარი არ გაუკეთებია. 

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს