ავსტრალიის თავდაცვის მინისტრის, რიჩარდ მარლზის განცხადებით, უკრაინის ომის დასრულების საკითხი უკრაინის პირობებით უნდა გადაწყდეს. ინფორმაციას Reuters-ი ავრცელებს.

„უკრაინაში მიმდინარე ომი უკრაინის პირობებით უნდა გადაწყდეს, რადგან აქ აგრესორი რუსეთია და რასაც სასწორზე ვხედავთ, არის წესებზე დაფუძნებული წესრიგის მთლიანობა, გლობალური წესებზე დაფუძნებული წესრიგი. ჩვენ მივესალმებით მცდელობებს, რომ ომი დასრულდეს, მაგრამ ეს არ შეიძლება ნებისმიერი პირობებით მოხდეს. ეს უნდა მოხდეს უკრაინის პირობებით და ჩვენ გავაგრძელებთ უკრაინის მხარდაჭერას ამაში“, - აღნიშნა რიჩარდ მარლზიმ.

ამასთან, ავსტრალიის კონსერვატიულმა ოპოზიციამ უკრაინასთან დაკავშირებით აშშ-ის პრეზიდენტ დონალდ ტრამპის პოზიცია გააკრიტიკა.

„ვფიქრობ, პრეზიდენტი ტრამპი ცდება. აზრი, რომ პრეზიდენტმა ზელენსკიმ ან უკრაინელმა ხალხმა დაიწყო ეს ომი, ან პასუხისმგებლები არიან ომზე, უბრალოდ არასწორია“, - განაცხადა ლიბერალური ოპოზიციური პარტიის ლიდერმა, პიტერ დატონმა, რომელიც რუსეთის უკრაინაში შეჭრის დროს ავსტრალიის თავდაცვის მინისტრი იყო.

მისი თქმით, ავსტრალია მტკიცედ და ამაყად უნდა იდგეს უკრაინელი ხალხის გვერდით.

„ეს არის დემოკრატია და ეს არის ბრძოლა ცივილიზაციისთვის. ვლადიმერ პუტინი მკვლელი დიქტატორია და ჩვენ მას ერთი ინჩიც არ უნდა მივცეთ“, - განაცხადა დატონმა.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს