აშშ-მა რუსეთში ელჩად შესაძლოა, რიჩარდ ნორლანდი დანიშნოს, რომელიც წარსულში საქართველოში აშშ-ის ელჩად მსახურობდა.

ამის შესახებ ინფორმაციას რუსული გამოცემა „კომერსანტი“ ავრცელებს. მედიასაშუალების ცნობით, შესაძლოა, ნორლანდმა რუსეთში აშშ-ის დიპლომატიური მისიის ხელმძღვანელის თანამდებობაზე ლინ თრეისი შეცვალოს.

„კომერსანტის“ ცნობით, რიჩარდ ნორლანდის კანდიდატურა რუსეთში ელჩის თანამდებობაზე ჯერ კიდევ ბაიდენის ადმინისტრაციამ წარადგინა. 69 წლის რიჩარდ ნორლანდი ამჟამად ლიბიაში აშშ-ის სპეციალურ წარმომადგენლად მუშაობს. აღნიშნულ თანამდებობაზე ის დონალდ ტრამპის პრეზიდენტობის პირველი ვადის დროს, 2019 წელს დაინიშნა. ის საქართველოში ელჩად 2012 წლის სექტემბრიდან 2015 წლის ივლისამდე მსახურობდა. ასევე ხელმძღვანელობდა საელჩოებს ლიბიასა და უზბეკეთში, იყო აშშ-ის ელჩის მოადგილე ავღანეთსა და ლატვიაში.

ამასთან, როგორც „კომერსანტი“ წერს, რუსეთიდან აშშ-ში ელჩის თანამდებობაზე განიხილება ალექსანდრ დარჩევი, რომელიც რუსეთის საგარეო უწყებაში ჩრდილოეთ ამერიკის დეპარტამენტს ხელმძღვანელობს და კანადაში რუსეთის ყოფილი ელჩია.

ერ-რიადში 18 თებერვალს გამართული რუსულ-ამერიკული მოლაპარაკებების შემდეგ აშშ და რუსეთი შეთანხმდნენ მოსკოვსა და ვაშინგტონში საელჩოებში თანამშრომელთა რაოდენობის აღდგენაზე. რუსეთის საგარეო საქმეთა მინისტრის, სერგეი ლავროვის განცხადებით, რუსეთი და აშშ შეთანხმდნენ მოსკოვსა და ვაშინგტონში ელჩების სწრაფი დანიშვნის უზრუნველყოფაზე.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს