საუდის არაბეთში გამართული შეხვედრით აშშ რუსეთს იზოლაციიდან გამოსვლაში დაეხმარა, - ამის შესახებ უკრაინის პრეზიდენტმა, ვოლოდიმირ ზელენსკიმ ჟურნალისტებთან შეხვედრაზე განაცხადა.

„როგორც ვთქვი, რასაც ისინი საუდის არაბეთში განიხილავენ მათი უფლებაა. თუმცა, მიმაჩნია, რომ აშშ პუტინს სრულმასშტაბიანი შემოჭრის გამო მოქცეული მრავალწლიანი იზოლაციიდან გამოსვლაში დაეხმარა“, - განაცხადა ვოლოდიმირ ზელენსკიმ.

ვოლოდიმირ ზელენსკიმ აღნიშნა, რომ აშშ-ისა და რუსეთის დელეგაციებს შორის ერ-რიადში გამართული შეხვედრით კიევი „არ გაღიზიანებულა და ყველაფრისთვის მზად არის“.

უკრაინის პრეზიდენტის თქმით, განცხადებები იმის შესახებ, რომ აშშ-მა უკრაინას 500 მილიარდი დოლარის ღირებულების დახმარება აღმოუჩინა და ამის ანაზღაურება უკრაინის ბუნებრივი რესურსების მეშვეობით უნდა მოხდეს, სიმართლეს არ შეესაბამება.

„ჩვენ სრულიად განსხვავებული რიცხვები გვაქვს. ჩვენთვის ყველაფერი ნათელია. ომი 320 მილიარდი დოლარი დაგვიჯდა. 120 მილიარდი ჩვენია, უკრაინელი ხალხის. 200 მილიარდი - ამერიკელი და ევროპელი პარტნიორების. მათ შორის, შეიარაღების პაკეტები. სულ, აშშ-მა 67 მილიარდის ღირებულების შეიარაღება გადმოგვცა და 31,5 მილიარდი ბიუჯეტისთვის, პირდაპირი ფინანსური დახმარების სახით, გამოყო. იყო ინდივიდუალური პროგრამებიც, მაგრამ არ შეიძლება იმის მტკიცება, რომ დახმარების საერთო ღირებულება 500 მილიარდი დოლარი იყო ან იმის მოთხოვნა, რომ ამის ანაზღაურება წიაღისეულით ან სხვა რამით მოხდეს. ამის შესახებ საუბარი არასერიოზულია. მაგრამ, ჩვენ სერიოზული დოკუმენტისთვის მზად ვართ. ჩვენ უსაფრთხოების გარანტიები გვჭირდება“, - აღნიშნა უკრაინის პრეზიდენტმა.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს