ჟურნალისტის კითხვაზე, შეიძლება თუ არა მოლაპარაკებებზე ვლადიმირ პუტინისადმი ნდობა, აშშ-ს რესპუბლიკელმა სენატორმა და შეიარაღებული ძალების კომიტეტის თავმჯდომარემ, როჯერ უიკერმა უპასუხა, რომ: "არა, პუტინი ომის დამნაშავეა და ციხეში უნდა გაატაროს დარჩენილი ცხოვრება, თუ სიკვდილით არ იქნება დასჯილი".

უიკერმა, რომელიც ასევე აშშ-ს ჰელსინკის კომისიის თავმჯდომარეა, კომენტარი გააკეთა იმ ფაქტზეც, რომ რუსეთსა და აშშ-ს შორის საუდის არაბეთში გამართულ მოლაპარაკებებს ევროპა და უკრაინა არ ესწრებოდნენ: "არ ვიცი რა სქემაა ეს. შესაძლოა, ამ ყველაფერს გარკვეული მეთოდი აქვს", თუმცა დაამატა, რომ საბოლოო ჯამში მოლაპარაკებების მაგიდაზე უკრაინაც უნდა იყოს, რათა "სამართლიანი შედეგი" დადგეს.

"ვლადიმირ პუტინმა დაარღვია საერთაშორისო სამართლის ყველა პრინციპი და მას ბრალი უნდა წაუყენონ, გაასამართლონ და დააპატიმრონ, და შესაძლოა, სიკვდილით დასაჯონ კიდეც". - დაამატა მან.

NATO-ს ალიანსის სიძლიერესთან დაკავშირებით უიკერმა აღნიშნა, რომ მისი აზრით, "საუკეთესო გზა ევროპული ომის თავიდან ასარიდებლად, რაშიც საბოლოოდ ჩართვა აშშ-საც მოუწევს, არის ის, რომ უზრუნველყოფილი იყოს 70 წლის მანძილზე ევროპაში არსებული კანონის უზენაესობის აღსრულება და დაცვა. ამიტომ გვაქვს NATO. ამიტომ არსებობს ევროკავშირი".

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს