ბელარუსის ავტოკრატი ლიდერის, ალექსანდრ ლუკაშენკოს საპრეზიდენტო ვებგვერდზე გამოქვეყნებულია ივანიშვილის პრეზიდენტის, მიხეილ ყაველაშვილის მილოცვა. წერილი დათარიღებულია 11 თებერვლით.

"მსურს მოგილოცოთ ბელარუსის პრეზიდენტის პოსტზე არჩევა და გისურვოთ წარმატებები თქვენს საქმიანობაში." - წერს ყაველაშვილი წერილში, როგორც ეს ბელარუსის პრეზიდენტის ვებგვერდზეა ნათქვამი.

ასევე განცხადებაში ნათქვამია, რომ ყაველაშვილმა "მადლობა გადაუხადა ბელარუსის სახელმწიფოს მეთაურს გულწრფელი მილოცვისა და კეთილი სურვილებისთვის, რომელიც მან ადრე მიიღო საქართველოს პრეზიდენტის პოსტზე არჩევასთან დაკავშირებით".

"ჩვენ ვაფასებთ საქართველოსა და ბელარუსის რესპუბლიკას შორის არსებულ გრძელვადიან ურთიერთობებს. სუვერენიტეტისა და ტერიტორიული მთლიანობის ურთიერთპატივისცემა არის ჩვენი ხალხების თანამშრომლობის და ურთიერთობის უმნიშვნელოვანესი საფუძველი." - ლუკაშენკოს ადმინისტრაციის ცნობით, ეწერა ყაველაშვილის წერილში.

გასულ დღეებში ბელარუსში საპრეზიდენტო არჩევნები კვლავ არადემოკრატიულ გარემოში ჩატარდა. 2020 წლის საპროტესტო ტალღის შემდეგ ლუკაშენკომ ქვეყანაში ოპოზიცია და დამოუკიდებელი მედია გაანადგურა, მას არჩევნებში რეალური კონკურენტი არ ჰყოლია

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა