მედიის ცნობით, 18 თებერვლის ღამეს სირიაში, რუსეთის ჰმეიმიმის ავიაბაზაზე უცნობი მხარის უპილოტო საფრენმა აპარატებმა იერიში მიიტანეს. ამის შესახებ ცნობა თავდაპირველად ტელეგრამ არხმა Sabereen News-მა გაავრცელა. ეს მედია ერაყულ შიიტურ დაჯგუფებებთანაა დაკავშირებული.

ტელეგრამ არხზე გამოქვეყნებულ ვიდეოში ისმის სროლისა და აფეთქების ხმა. როგორც Sabareen News-ი წერს, ეს ჰაერსაწინააღდეგო დანადგარების ხმაა.

რუსულ საჰაერო ბაზაზე დრონების იერიშის შესახებ დაწერა რუსმა სამხედრო ბლოგერმა ოლეგ ბლოხინმაც. მისი ინფორმაციით, იერიში დაჯგუფება ჰაიათ თაჰრირ ალ-შამის (HTS) წევრებმა მიიტანეს. ეს არის დაჯგუფება, რომლის ლიდერიც სირიის ახლანდელი პრეზიდენტი, აჰმედ ალ-შარაა არის. HTS უძღვებოდა ბაშარ ალ-ასადის რეჟიმის წინააღმდეგ დაწყებულ კონტრიერიშს.

"ადგილობრივი დროით 2:30-ზე გამოცხადდა საბრძოლო განგაში. იდენტიფიცირებული იყო, როგორც "საჰაერო მოწინააღმდეგის თავდასხმა". თითქმის მომენტალურად ამუშავდა პანცირი (რედ. - რუსული ჰსთ სისტემა). ისმოდა სროლისა და აფეთქებების ხმები. 3:30-ისთვის სროლის ინტენსიურობა დაწყნარდა, თუმცა მაინც გრძელდებოდა." - წერს ბლოხინი.

რუსეთის თავდაცვის სამინისტროს მომხდართან დაკავშირებით კომენტარი არ გაუკეთებია.

მას შემდეგ, რაც სირიის ხელისუფლება შეიცვალა, რუსული ბაზების მომავლის საკითხი გაურკვეველი რჩება. ქვეყნის ახალ ადმინისტრაციასთან მოლაპარაკებები 28 იანვარს რუსეთის საგარეო საქმეთა სამინისტროს წარმომადგენელმა, მიხაილ ბოგდანოვმა გამართა. შეხვედრის დროს სირიის ხელისუფლებამ მოსკოვს მოსთხოვა, გაეთვალისწინებინათ "წარსულის შეცდომები", გადაეხადათ კომპენსაცია და ჩართულიყვნენ ქვეყნის აღმშენებლობაში. მედიის ცნობით, მოითხოვეს ბაშარ ალ-ასადის გადაცემაც. 12 თებერვალს ვლადიმირ პუტინი ტელეფონით ესაუბრა ალ-შარაას.

გასულ დღეებში სირიის ახალი რეჟიმის წარმომადგენლებმა არ გამორიცხეს ქვეყანაში რუსული ბაზების დატოვება, იმ შემთხვევაში, თუ თავად სარგებელს მიიღებენ. პარალელურად, ალ-შარაამ რეჯეფ თაიფ ერდოღანთან სირიაში თურქული ბაზების მშენებლობის საკითხი განიხილა.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს