გაერო-ში რუსეთის მუდმივმა წარმომადგენელმა, ვასილი ნებენზიამ ნიუ-იორკში, გაერო-ს უშიშროების საბჭოს შეხვედრაზე განაცხადა, რომ ევროკავშირი და დიდი ბრიტანეთი უკრაინის შესახებ რაიმე სახის შეთანხმების მხარეები ვერ იქნებიან.

„დღეს ჩვენ გვესმის, რომ „მინსკის“ გარანტორების და ზოგადად, ევროკავშირის ქვეყნებისა და დიდი ბრიტანეთის ნდობა არ შეიძლება და ისინი უკრაინის კრიზისის მოგვარების შესახებ რაიმე სახის სამომავლო შეთანხმების მხარეები ვერ იქნებიან. ისინი რუსოფობიით არიან დაბრმავებულები, მანიაკალური სურვილით, რომ ჩვენი ქვეყანა ცოცხლად დარჩენილი უკრაინელების ხელით ბრძოლის ველზე დაამარცხონ“, - განაცხადა ვასილი ნებენზიამ.

მისივე განცხადებით „მომავალი უკრაინა უნდა იყოს დემილიტარიზებული, ნეიტრალური სახელმწიფო და არა რომელიმე ბლოკის ან ალიანსის წევრი“.

„ბოლოს და ბოლოს, როგორც უკვე აღიარეს ჩვენმა ამერიკელმა კოლეგებმა, კერძოდ პრეზიდენტმა დონალდ ტრამპმა, კრიზისი გამოიწვია უკრაინის ნატო-ში გაწევრიანების პერსპექტივამ. ვფიქრობ, ეს ყველასთვის ნათელია“, - აღნიშნა ნებენზიამ.

ნებენზიას თქმით, ახალი შეთანხმების პირობები, დემოკრატიული არჩევნების შედეგად არჩეულმა გულწრფელად დაინტერესებულმა მთავრობამ უნდა განახორციელოს.

„თავად ზელენსკი, ცდილობს ძალაუფლება და საკუთარი ტყავი ნებისმიერ ფასად შეინარჩუნოს და ნებისმიერი პროვოკაციისთვის მზად არის“, - განაცხადა გაერო-ში რუსეთის მუდმივმა წარმომადგენელმა.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს