საქართველოს ეროვნული ბანკის პრეზიდენტი აცხადებს, რომ მარეგულირებლის მიერ „ქართუ ბანკის“ დაჯარიმება სრულად კანონიერია. ამ კომენტარით შემოიფარგლა ნათია თურნავა ჟურნალისტებთან საუბრისას „ბაჩიაშვილის საქმეზე“ დღეს სასამართლოს დახურული სხდომის შემდეგ, სადაც ნათია თურნავამ ჩვენება მისცა.

„ყველაფერი სრულიად კანონიერია. ჩვენ ყოველთვის ვუწესებთ ბანკებს სანქციებს და ჯარიმებს, როდესაც ეს აუცილებელია“, - განაცხადა თურნავამ.

როგორ გაჩნდა ბაჩიაშვილის საქმეში თურნავა და რატომ დააჯარიმა სებ-მა 2023 წელს "ქართუ" 200,000 ლარით?
სხდომის ნაწილობრივ დახურვის შუამდგომლობა პროცესზე ბრალდების მხარემ დააყენა. როგორც საქმის პროკურორმა მიხეილ სადრაძემ განაცხადა, აღნიშნულის მიზანი კომერციული საიდუმლოს დაცვაა, ვინაიდან კითხვები და საკითხები, რაც ნათია თურნავასთან იქნება დასმული, კომერციულ საიდუმლოებას შეეხება. შუამდგომლობას დაცვის მხარე არ დაეთანხმა. ბრალდებულის ადვოკატმა ლევან მახარაშვილმა განმარტა, რომ შუამდგომლობა ობიექტური ტესტის პრინციპს უნდა აკმაყოფილებდეს და სხდომაზე არანაირი კომერციული საიდუმლოება არ გაჟღერდება. მოსამართლე გიორგი გელაშვილმა პროკურატურის შუამდგომლობა დააკმაყოფილა და სხდომა ნაწილობრივ დახურა.

შეგახსენებთ, გიორგი ბაჩიაშვილს “ქართული ოცნების” დამფუძნებლის, ბიძინა ივანიშვილის კრიპტოვალუტის მითვისებას ედავებიან. პროკურატურის მტკიცებით, საქმე ეხება 2017 წლის ქმედებას. კერძოდ, გამოძიების ცნობით, გიორგი ბაჩიაშვილმა ინვესტორს ჩადებული ინვესტიციიდან მიღებული სრული მოგების სანაცვლოდ, მხოლოდ 536 900 დოლარი გადასცა, ხოლო დარჩენილი, ინვესტორის კუთვნილი, 8 253.13 ოდენობის ბიტკოინი მართლსაწინააღმდეგოდ მიითვისა, რომლის ღირებულება მისი დაუფლების პერიოდში 39 215 820 დოლარს შეადგენდა. გასული წლის 6 ივლისს თანაინვესტირების ფონდის ყოფილ ხელმძღვანელს აღმკვეთი ღონისძიების სახით 2.5 მილიონ ლარიანი გირაო შეეფარდა. ამასთან, საქმის გამოძიების დასრულებამდე, მას ქვეყნის დატოვება აეკრძალა. ბაჩიაშვილი წარდგენილ ბრალდებაში თავს დამნაშავედ არ ცნობს.

აღნიშნული ქმედება კი 9-დან 12 წლამდე თავისუფლების აღკვეთას ითვალისწინებს.

ავტორი: ექსპრესნიუსი,

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას