თეთრმა სახლმა ევროპელ ოფიციალურ პირებს აცნობა თავისი განზრახვის შესახებ, მიაღწიოს ცეცხლის შეწყვეტას უკრაინაში 2025 წლის აღდგომამდე. ამის შესახებ Bloomberg ინფორმირებულ წყაროებზე დაყრდნობით იუწყება. წელს, როგორც კათოლიკეებისთვის, ასევე მართლმადიდებლებისთვის დღესასწაული 20 აპრილს მოდის.

ზოგიერთი დასავლელი ოფიციალური პირი თვლის, რომ ასეთი გეგმა ძალიან ამბიციური და ნაკლებად სავარაუდოა, მიუხედავად იმისა, რომ კონსულტაციები აშშ-სა და რუს ოფიციალურ პირებს შორის საუდის არაბეთში მომავალ კვირას იგეგმება. ეს შეხვედრები მიზნად ისახავს პრეზიდენტ დონალდ ტრამპსა და ვლადიმერ პუტინს შორის შესაძლო მოლაპარაკებებისთვის მომზადებას. Bloomberg-ის ერთ-ერთი წყარო აღნიშნავს, რომ ზავის დადების უფრო რეალური ვადა შეიძლება იყოს 2025 წლის ბოლო.

მოახლოებული მოლაპარაკებების ფონზე, ევროპის ქვეყნები ავითარებენ უკრაინის სამხედრო დახმარების ახალ ფართომასშტაბიან პაკეტს. Bloomberg-ის ცნობით, გეგმის დეტალები 2025 წლის 23 თებერვლამდე არ გახდება ცნობილი. ამ დღეს გერმანიაში ვადამდელი საპარლამენტო არჩევნები გაიმართება. ამ გზით პოლიტიკოსები შეძლებენ კენჭისყრამდე თავიდან აიცილონ დავები, აცხადებენ სააგენტოს წყაროები.

ავტორი: ექსპრესნიუსი,

სოციალური ქსელები

ვალტონენი – ფინეთი მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას

საფრანგეთის, გერმანიის, იტალიისა და დიდი ბრიტანეთის საგარეო საქმეთა სამინისტროები რუსეთ-საქართველოს ომთან დაკავშირებით ერთობლივ განცხადებას ავრცელებენ

მარგუს ცაჰკნა - ესტონეთი ქართველი ხალხის გვერდით დგას

გახარია საქართველოსთვის - ცინიკურია, რომ ოცნება ოკუპაციასა და ოკუპაციის მსხვერპლ მოქალაქეებზე მეტად ე.წ. რუსოფობიის გამო სწუხან