უწყვეტი პროტესტის მე-80 დღეს რუსთველის გამზირი კვლავ გადაკეტილია.

"არა რუსულ დიქტატურას" - ამ ლოზუნგის გარშემო თბილისში ფართომასშტაბიანი აქცია მიმდინარეობს. რუსთაველის გამზირზე საავტომობილო მოძრაობა გადაკეტილია.

მოქალაქეები პარლამენტის მიმდებარე ტერიტორიაზე მისვლამდე ორ ლოკაციაზე - ევროპის მოედანზე და მთავრობის ადმინისტრაციასთან შეიკრიბნენ. უწყვეტი პროტესტის მე-80 დღესაც მოთხოვნა უცვლელია - ხელახალი არჩევნების დანიშვნა და აქციაზე დაკავებულთა გათავისუფლება. საპროტესტო აქციაზე საქართველოსა და ევროკავშირის ჰიმნები შესრულდა.

მიმდინარე აქციაში მონაწილეობას რეჟისორი დათა თავაძე იღებს. როგორც იგი ამბობს,  ქართველი ხალხი ბრძოლას იქამდე გააგრძელებს, სანამ მთავარი მოთხოვნები დაკმაყოფილებული არ იქნება. 

ეს 80 დღე აჩვენებს იმას, რომ ჩვენ არ გავჩერდებით. კიდევ 80 დღე რომ იყოს საჭირო, ვიდგებით. კიდევ ძალიან დიდხანს ვიდგებით, სანამ ყველა ყველაფერს არ გაიგებს. დღეს არის 70-ე დღე, რაც ქართული თეატრის უდიდესი ნაწილი გაფიცულია. ორი თარიღი გვაქვს ჩვენ. პროფესიული, სადაც უპრეცედენტო გაფიცვა მოხდა. მსახიობები იქნებიან, რომლებიც პატიმრების წერილებს წაიკითხავენ დღეს." - განაცხადა დათა თავაძემ. 

ამასთან აქციის მონაწილეებს სხვადასხვა წარწერებით ბანერები - „რუსეთი ჩვენი საერთო მტერია“, „ახალ და სამართლიან არჩევნებს ვითხოვთ“, „სიტყვის თავისუფლება არ დათმო“, „თავისუფლება მზია ამაღლობელს და რეჟიმის ყველა ტყვეს“ - უჭირავთ.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა