ე.წ. მთავრობა დასანქცირებულია, არ არსებობს ქვეყანა, სადაც მათ ელოდებიან, ამიტომ გამოსავალი მხოლოდ და მხოლოდ ერთია - ახალი არჩევნები და პოლიტპატიმრების გამოშვება, - ამის შესახებ „ინტერპრესნიუსს“ „ძლიერი საქართველოს“ ერთ-ერთმა ლიდერმა მამუკა ხაზარაძემ განუცხადა.

როგორც ის განმარტავს, ბიძინა ივანიშვილმა ქვეყნის „ევროინტეგრაცია გააჩერა და ქართველი ხალხის 35-წლიანი მისწრაფება გადაშალა“.

„პროტესტი არ ჩერდება, რადგან ეს ჩვენი ქვეყნის ეგზისტენციალურ საკითხს ეხება, ანუ სად ვიქნებით როგორც ქვეყანა, ვიქნებით თუ არა დამოუკიდებელი ცივილურ სამყაროსთან, თუ ვიქნებით, რასაც ე.წ. ხელისუფლება აკეთებს და რუსეთის უკანა ეზო ვიქნებით. ამიტომ, ეს პროცესი გაგრძელდება, ამ ქვეყანაში თავისუფლებას არავინ დათმობს, ბიძინა ივანიშვილმა ბოლო 100 დღეში სამწუხაროდ, მოახერხა ის, რომ გადაშალა ბოლო 35-წლიანი ჩვენი ქართველი ხალხის მისწრაფება, ეს ყოველ შემთხვევაში, ამის მცდელობაა, ეს ასე არ მოხდება. მარტო, იზოლირებული დაგვტოვა, ქვეყანა სრულ იზოლაციაშია, სტრატეგიული პარტნიორობა დააკარგვინა შეერთებულ შტატებთან, ევროინტეგრაცია გააჩერა, მთელი ე.წ. მთავრობა დასანქცირებულია, არ არსებობს ქვეყანა, სადაც ამათ ელოდებიან, ამიტომ გამოსავალი მხოლოდ და მხოლოდ ერთია - ახალი არჩევნები და პოლიტპატიმრების გამოშვება, ამას მივაღწევთ, 80 დღე იქნება, თუ მე-100, ამას მივაღწევთ, რადგან ეს რაღაც ლოკალური საკითხი არ არის, ეს არის ქვეყნის ეგზისტენციალური საკითხი“, - განაცხადა ხაზარაძემ.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა