საქართველოს შინაგან საქმეთა სამინისტროს, საქართველოში აშშ-ს საელჩოსა და ჯორჯ მარშალის სახელობის უსაფრთხოების სწავლებათა ევროპული ცენტრის ორგანიზებით, სასტუმრო „Holiday Inn“-ში ორდღიანი საერთაშორისო კონფერენცია გაიმართა თემაზე: ტრანსსასაზღვრო ორგანიზებული დანაშაულის წინააღმდეგ ბრძოლა.

ღონისძიებას  შს მინისტრის მოადგილე შალვა ხუციშვილი ესწრებოდა, რომელმაც კონფერენციის მონაწილეებს სიტყვით მიმართა.

სამინისტროს ინფორმაციით, ღონისძიების მიზანი იყო ტრანსსასაზღვრო ორგანიზებული დანაშაულის თანამედროვე ტენდენციებისა და საფრთხეების მიმოხილვა, ამ კუთხით სხვადასხვა ქვეყნის შესაბამისი უწყებების წარმომადგენლებს შორის გამოცდილების გაზიარება, ეროვნული, რეგიონული და საერთაშორისო თანამშრომლობის შესაძლებლობების განხილვა.

კონფერენციაზე ჯორჯ მარშალის სახელობის უსაფრთხოების სწავლებათა ევროპული ცენტრის, აშშ-ს, უნგრეთის, უკრაინის,  საქართველოს შინაგან საქმეთა და იუსტიციის სამინისტროების წარმომადგენლებმა პრეზენტაციები წარადგინეს. აღნიშნული პრეზენტაციები ტრანსსასაზღვრო ორგანიზებული დანაშაულის ტენდენციებსა და გამოწვევებს, კორუფციის, ტრეფიკინგის, ორგანიზებულ დანაშაულთან ბრძოლის, სამართალდამცველთა შესაძლებლობების განვითარების, უწყებათა შორის თანამშრომლობისა და ერთობლივი საგამოძიებო ჯგუფების მნიშვნელობის საკითხებს მოიცავდა.

კონფერენციაში პარტნიორი ქვეყნების – ლიტვის, ლატვიის, ესტონეთის, სომხეთის, აზერბაიჯანის, მოლდოვის, უკრაინის, ბულგარეთისა და რუმინეთის შესაბამისი სახელმწიფო უწყებების წარმომადგენლებმა მიიღეს მონაწილეობა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კომპანიებმა დაიწყეს საოჯახო კალათის ფარგლებში პროდუქტების იდენტიფიცირება - რითეილ ასოციაცია

გუდვილი ასევე დეილის, სპარს, კალათას, მაგნიტს, გვირილას და იოლს მაღაზიათა ქსელი შექმნიან პირველადი მოხმარების პროდუქტების კალათას, რომელზედაც მინიმალური სავაჭრო მარჟა დაწესდება

ელენე ხოშტარია - ნონსენსია ფასების გაიაფების მოლოდინი ქვეყანაში, რომლის მთავრობაც არალეგიტიმურია

გდდ-ს ხელმძღვანელის პოზიციას ბაადურ შენგელია დაიკავებს